Аляксандр Лукашэнка наведвае Беларускую атамную электрастанцыю ў Астравецкім раёне. Папярэдне ён агледзеў тэрыторыю станцыі з верталёта, піша БелТА.
Лукашэнка назваў запуск Беларускай атамнай электрастанцыі гістарычнай падзеяй у жыцці краіны. «Усё так будзённа, як быццам метро пабудавалі. Гістарычны момант — краіна становіцца ядзернай дзяржавай», — сказаў ён.
Акрамя беларускіх афіцыйных асоб, сярод удзельнікаў мерапрыемства — дзяржаўны сакратар Саюзнай дзяржавы Грыгорый Рапота, генеральны дырэктар «Расатама» Аляксей Ліхачоў і пасол Расіі Дзмітрый Мезенцаў.
У вучэбна-трэніровачным цэнтры БелАЭС Лукашэнку праінфармуюць аб ходзе работ па ўводу станцыі ў эксплуатацыю і яе інтэграцыі ў эканоміку краіны, перспектывах супрацоўніцтва дзяржкарпарацыі «Расатам» з Беларуссю ў галіне ядзернай энергетыкі, навукі і тэхналогій, ходзе рэалізацыі комплекснага плана развіцця рэгіёну будаўніцтва АЭС.
Затым Аляксандр Лукашэнка азнаёміцца з аб'ектамі БелАЭС, у тым ліку наведае будынак Упраўлення першага энергаблока, дзе, як плануецца, дасць дазвол на ўздым электрычнай магутнасці энергаблока (да 400 МВт) у адпаведнасці з этапнай праграмай.
Чакаецца, што Лукашэнка таксама будзе прысутнічаць на мітынгу з удзелам прадстаўнікоў працоўнага калектыву і будаўнікоў Беларускай АЭС, дадае БелТА.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх13
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары