Паводле афіцыйных звестак, пандэмія ў Расіі ідзе на спад.
У Расіі з'явілася магчымасць акуратна зняць абмежаванні, заявіў прэзідэнт Уладзімір Пуцін.
Ён адзначыў, што эпідэміялагічная сітуацыя ў краіне стабілізуецца. «Колькасць выздаравелых перавышае колькасць захварэлых, колькасць інфіцыраваных зніжаецца», — сказаў ён.
Раней у панядзелак мэр Масквы Сяргей Сабянін заявіў, што пандэмія пайшла на спад у сталіцы. Па яго словах, улады пачынаюць «адкрываць горад для нармальнага жыцця». 21 студзеня Сабянін адмяніў шэраг абмежаванняў.
За апошнія суткі ў Расіі ўпершыню з лістапада 2020-га выявілі менш за 20 тысяч выпадкаў заражэння каранавірусам — 19 290.
На працягу двух месяцаў у краіне фіксавалі ад 20 тысяч да амаль 30 тысяч заражаных. У апошні раз 11 лістапада 2020 года статыстыка была ніжэйшай за звыклыя значэнні — тады каранавірус пацвердзіўся ў 19 851 жыхара.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца44
Каментары