Ганна Эйсмант: «Я была ў жывым эфіры Панарамы, а не на плошчы Перамен». Але што кажа білінг?
Тэлевядучая Ганна Эйсмант адрэагавала на расследаванне «Байпола» пра смерць Рамана Бандарэнкі.
Сястра старшыні БТ сцвярджае, што яе не было на месцы падзей на плошчы Перамен:
«Мы, вядома, за апошні год сутыкнуліся з такім патокам хлусні, што яшчэ нядаўна такое цяжка было нават уявіць. Не грэбавалі нічым, аж да прамой фальсіфікацыі. Але ўсяму павінна быць мера. Сёння я хачу заявіць — 11 лістапада 2020 года я была ў жывым эфіры «Панарамы» (таго тысячу пацвярджэнняў, пры жаданні зможа знайсці кожны) і не магла фізічна браць удзел ні ў якіх акцыях. Мне гэта даказаць — проста элементарна, але што рабіць іншым людзям, у дачыненні да якіх таксама нахабна сфальсіфікаваныя звесткі. Можна было б пайсці ў суд. Але каго судзіць? Здраднікаў, якія сядзяць у Польшчы?» — напісала яна ў інстаграме.
Але што сцвярджае «Байпол»? Што нумар Ганны Эйсмант быў зафіксаваны ў 22:43 на вуліцы Шчадрына (гэта каля плошчы Перамен). А ў 22:45 быў уваходны званок на яе нумар, на які яна не адказала.
«Панарама» ж, паводле раскладу, выходзіць у эфір у 21:00—21:45. Навіны спорту трохі затрымліваюцца, канкрэтна 11 лістапада Эйсмант была ў эфіры ў 21:55-22:07.
Такім чынам, падзеі па часе не перасякаюцца.
-
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»
-
У продажы з’явілася пашыранае англамоўнае выданне кнігі Алеся Бяляцкага
-
«Хто праз вёску едзе — спыняецца, фатаграфуе». Беларуска расказала пра гісторыю векавога дрэва на сваёй сядзібе
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары