Паўабаронца «Мілана» і зборнай Бразіліі Кака (Рыкарду Ізэксан душ Сантуш Лейтэ) падпісаў шасцігадовы кантракт з мадрыдскім «Рэалам», паведамляе Спорт‑Экспресс са спасылкай на Reuters.
Сума ўгоды не раскрываецца, але мяркуецца, што яна складае ад 65 да 68 млн еўра.
Цяпер 27‑гадовы футбаліст знаходзіцца ў складзе зборнай Бразііі, што ўдзельнічае ў адборачным турніры чэмпіянату свету — 2010 ды рыхтуецца стартаваць у Кубку канфедэрацый.
Трансфер Кака - самы дарагі трансфер у гісторыі. Папярэдні рэкорд належыць таксама «Рэалу», які ў 2001 г. заплаціў «Ювентусу» 65 млн даляраў за Зінедзіна Зідана.
У студзені 2009 г. «Манчэстэр Сіці» быў гатовы выкласці за Кака 100 мільёнаў еўра, але бразілец не пагадзіўся на пераезд у Англію, дадае Спорт‑Экспресс.
Кака (гэта бразільскі скарот ад імені Рыкарду) нарадзіўся ў 1982 г. у сталіцы краіны Бразіліа. Выступаў за «Сан-Паўлу» (2001-2003), «Мілан» (2003-2009).
За роса-неры правёў 193 гульні, забіў 70 мячоў. Чэмпіён Італіі 2004 г., пераможца Лігі чэмпіёнаў сезона 2006/2007, уладальнік Залатога мяча 2007 г., а таксама чэмпіён свету 2002 г.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары