Андрэй Кабякоў — герой новага артыкула з серыі «Палітбюро‑2009». Піша Аляксандр Фядута.
Пры Аляксандру Лукашэнку вырасла прынцыпова новае пакаленне выбарцаў. Яны не памятаюць Савецкага Саюза, слаба сабе ўяўляюць, чым менавіта кіраваў Пятро Машэраў.
Для іх час пачаўся і працягваецца эпохай Аляксандра Лукашэнкі. І ўвесь гэты час побач з першым прэзідэнтам краіны знаходзіцца Андрэй Кабякоў. Прэм’ер‑міністры мяняюцца, а Кабякоў застаецца.
«Гагарын» з Рагачова
Гэта сёння ўсе вымудраюцца з нагоды маладосці новага міністра культуры. Ды Паўлу Латушку і не сніўся той кар’ерны ўзлёт, які здзейсніў у 1994 годзе Андрэй Кабякоў, сціплы намеснік дырэктара рагачоўскага завода «Дыяпраектар». У тыя часы гэтае рагачоўскае прадпрыемства саступала па сваім кадравым патэнцыяле хіба што Магілёўскаму абкаму КПБ. Праўда, у Магілёўскім абкаме працавалі майстры на ўсе рукі — хоць на кіраўніка Адміністрацыі, хоць на Кіраўніцтва справамі, хоць на тэлебачанне прызначай. А «Дыяпраектар» даў Беларусі яе першага вярхоўнага кантралёра — тагачаснага дэпутата Вярхоўнага Савета БССР ХІІ склікання (што плаўна перацёк у Вярхоўны Савет Рэспублікі Беларусь) Васіля Даўгалёва, што ў парламенцкіх кулуарах атрымаў мянушку «Вася Морж» за свае маржападобныя вусы.
Менавіта Даўгалёў фактычна вызначыў склад першай Адміністрацыі прэзідэнта, атрымаўшы на гэта «дабро» ад яе першага кіраўніка Леаніда Сініцына. Ціха пафукваючы ў вусы, спадар Васіль зрэзаў да мінімуму ўсе яе структурныя падраздзяленні, зрабіўшы кіруючай і накіроўваючай сілай Службу кантролю і падпарадкаваўшы яе сабе. А на пасаду намесніка начальніка Службы кантролю — гэта значыць, уласнага намесніка — узяў свайго былога калегу па «Дыяпраектары», Андрэя Кабякова.
У Кабякова было два плюсы. Па‑першае, ён нарадзіўся і вучыўся ў Маскве, у Маскоўскім авіяцыйным інстытуце — значыць, дурнем апрыёры не быў. Па‑другое, працаваў намеснікам дырэктара «Дыяпраектара» па пытаннях эканомікі, а значыць, на думку былога галоўнага заводскага забеспячэнца Даўгалёва, эканоміку дакладна ведаў.
Так у 1995 годзе ў няпоўныя 35 гадоў Андрэй Кабякоў стаў адным з самых уплывовых людзей Беларусі. Бо пры Лукашэнку кантралёры былі і ёсць людзьмі нават больш уплывовымі, чым сам Лукашэнка. Бо гэта ён думае, што ўсё вакол кантралюе. Насамрэч усё кантралююць яны.
А калі ў 1996 годзе, пасля змены Канстытуцыі, на прыславутым рэферэндуме Служба кантролю прэзідэнта замяніла сабой усё вакол — проста таму, што кантрольны орган парламенту быў ліквідаваны разам з адпаведнымі паўнамоцтвамі самога парламента — спадар Андрэй нечакана вылецеў са свайго кантралюючага фатэля. Было гэта звязана з тым, што Даўгалёва канчаткова і беспаваротна выціснулі з кантрольных органаў, замяніўшы Мікалаем Дамашкевічам, якому даўгалёўскія кадры былі не трэба. Але паколькі Кабякоў быў проста ўвасабленнем лаяльнасці (яшчэ б!), выкідаць назад у Рагачоў яго не сталі, а перасунулі на нейкі час у кабінет прэзідэнта канцэрна «Беллегпрам» — тым больш, з лёгкай (лё‑о‑оганькай прамысловасцю, як казалася ў старым савецкім фі¬льме) у нас ва ўсе часы было дрэнна.
Аднак і тут Кабякоў чамусьці не патануў. А ўжо ў хуткім часе вярнуўся на любімую кантралюючую ўсё і ўсіх працу, замяніўшы сабой Мікалая Дамашкевіча.
***
Чытайце артыкул у папяровым тыднёвіку «Наша Ніва».
«Наша Ніва» з’яўляецца ў кіёсках «Белсаюздруку» ў Мінску ў сераду ад абеду, у рэгіёнах — ад чацвярга ранку. А найлепш — падпісвайцеся!
* * *
Падпісацца можна праз Рэдакцыю і праз «Белпошту». Мы рэкамендуем — праз Рэдакцыю.
Наша сістэма дастаўкі газеты за 3 гады даказала сваю надзейнасць. Яна таннейшая, а нам выгаднейшая фінансава.
Мы зможам дастаўляць Вам газету хутчэй або з той жа хуткасцю, што «Белпошта». Цана падпіскі праз Рэдакцыю 6 000 руб. на месяц.
Каб падпісацца, проста дасылайце адрасы і грашовыя пераказы. Паведамляць свае адрасы можна праз тэлефон, факсам, праз пошту ці электронную пошту.
Тэлефоны: (017) 284-73-29, (029) 260-78-32 (МТС), (029) 618-54-84, e-mail: dastauka@tut.by, dastauka@nn.by, паштовы адрас: а/с 537, 220050 Менск.
У бланку банкаўскага паведамлення ці паштовага пераказу, калі ласка, дакладна і разборліва пазначайце ваш адрас, у тым ліку паштовы індэкс і код пад’езду.
Грошы можна перавесці ў любым аддзяленні банку, на любой пошце.
На банкаўскай квітанцыі ў графе «Від плацяжа» трэба пазначыць: «За газэту «Наша Ніва».
У графе: «Атрымальнік плацяжа» трэба пісаць: ПВУП «Суродзічы», УНП 190 786 828.
У графе «Найменаваньне банку» трэба пісаць: «МГД ААТ «Белінвестбанк», вул.Калектарная, 11, Мінск, код 764».
У графе «Рахунак атрымальніка» — 3012 206 280 014. Пры перасылцы грошай па пошце тое самае трэба пісаць у рубрыках «Каму» і «Куды».
Раздрукаваць банкаўскую квітанцыю (pdf-файл 38Кб, A4).
* * *
Падпісныя індэксы ў каталогу «Белпошты»: для людзей — 63125, для прадпрыемстваў — 631252. Падпісацца можна на кожнай пошце. Цана гэтай падпіскі — 8 520 руб. на месяц.
Каментары