Канцлер Аўстрыі патэлефанаваў Ціханоўскай пасля весткі пра спробу самагубства Латыпава
Ціханоўская распавяла пра сітуацыю ў беларускіх турмах. Яна заклікала канцлера Аўстрыі Курца дзейнічаць рашуча, каб спыніць катаванні.
Канцлер Аўстрыі Себасцьян Курц патэлефанаваў Святлане Ціханоўскай пасля паведамлення аб спробе суіцыду палітзняволенага Сцяпана Латыпава, які паспрабаваў перарэзаць сабе горла ў зале суда. Пра гэта паведамляюць міжнародныя СМІ.
Ціханоўская распавяла пра сітуацыю ў беларускіх турмах. Яна заклікала канцлера Аўстрыі Курца дзейнічаць рашуча, каб спыніць катаванні.
«Мы заклікаем Аўстрыю падтрымаць чацвёрты пакет санкцый [Еўрасаюза супраць лукашэнкаўцаў] і разгледзець пяты. І не менш важна цяпер дапамагаць грамадзянскай супольнасці Беларусі», — цытуюць Ціханоўскую СМІ.
Яна таксама падзякавала Курцу, што ён падняў пытанне крызісу Беларусі ў размове з Пуціным пасля сустрэчы з ёй у красавіку.
Акрамя таго, Святлана Ціханоўская прапанавала Аўстрыі ўзяць на сябе ініцыятыву правядзення міжнароднай канферэнцыі высокага ўзроўню па рашэнні крызісу ў Беларусі. А Курц, у сваю чаргу, запрасіў Ціханоўскую выступіць на Форуме Еўропы ў аўстрыйскім Вахау.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?8
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары