Пяты пакет санкцый ЕС супраць Мінска не будзе ўключаць сектаральных эканамічных мер, а толькі мэтавыя санкцыі ў дачыненні да чыноўнікаў і сілавікоў, акрамя таго можа быць створаны чорны спіс «авіякампаній, што дастаўляюць мігрантаў».
Пра гэта паведаміла ў чацвер ТАСС крыніца ў інстытутах ЕС у Брусэлі.
«Эканамічныя санкцыі цяпер не разглядаюцца. Пяты пакет будзе ўключаць мэтавыя індывідуальныя меры, а таксама можа быць узгоднены чорны спіс авіякампаній трэціх краін, якія дастаўляюць мігрантаў у Беларусь, — паведаміла крыніца. — Дыскусія пра гэта працягнецца 15 лістапада на пасяджэнні Рады ЕС [на ўзроўні міністраў замежных спраў у Бруселі]».
У чацвер афіцыйная прадстаўніца Еўракамісіі Дана Спінант пацвердзіла на брыфінгу ў Брусэлі, што Еўракамісія разглядае магчымасць увядзення «чорнага спісу авіякампаній, якія перавозяць мігрантаў у Менск».
Turkish Airlines перастане вазіць у Мінск грамадзян Ірака, Сірыі і Емена
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары