Вынікі 17-га туру чэмпіяната Беларусі па футболе.
У панядзелак матчам у Барысаве паміж БАТЭ і мінскім «Дынама» скончыўся 17 тур чэмпіянату Беларусі па футбол. Цэнтральная гульня туру скончылася нічыёй – 1:1.
У першым тайме гол з пенальці за гульню рукой забіў Сяргей Кісляк, а ў другім Сяргей Крывец лік аднавіў – 1:1.
Толькі ў апошнюю дзесяціхвілінку салігорскі «Шахцёр» забіў два галы жодзінскаму «Тарпеда» – 1:2.
«Віцебск» і «Граніт», якія адчайна змагаюцца за выжыванне, атрымалі сінхронныя мінімальныя перамогі над «Дняпром» і «Мінскам» адпаведна.
Досыць нечакана ў дэрбі каманд з Гарадзенскай вобласці «Нёман» не змог перамагчы «Смаргонь» – 1:1.
З такім самым лікам скончыўся дэбютны ў штурвала МТЗ-РІПА матч для новага галоўнага трэнера Людаса Румбуціса. «Тракатаразаводцы» адыграліся ў сустрэчы з «Дынама» (Брэст) – 1:1.
«Гомель», дзякуючы дублю Майкона Каліжуры, выйграў у Наваполацку ў «Нафтана» – 1:2.
Турнірная табліца пасля 17 тураў выглядае наступным чынам: БАТЭ – 38 пунктаў, «Нафтан», «Дынама» (Мінск), «Шахцёр» – па 28, Нёман» – 27, «Дняпро» – 26, «Тарпеда» – 25, «Гомель», «Дынама» (Брэст) – па 22, «Мінск», «Граніт» – па 20, «Віцебск» – 19, МТЗ-РІПА – 16, «Смаргонь» – 8.
Каментары