Лукашэнка распарадзіўся стварыць Паўднёвае аператыўнае камандаванне на ўкраінскім кірунку
Аляксандр Лукашэнка правёў сёння нараду ў Міністэрстве абароны па пытаннях ваеннай бяспекі, паведамляе БелТА.
«На жаль, адкрыўся новы кірунак, як у нас прынята казаць, новы фронт, і мы не можам не надаваць гэтаму ўвагі. Мы пра гэта ўжо ў першым набліжэнні казалі. Міністр абароны тады прапанаваў нам яшчэ адно аператыўнае камандаванне адкрыць — на паўднёвым флангу, паўднёвым кірунку нашай краіны. Гэта было яшчэ летась. Мы тады разумелі, што нешта трэба рабіць, але час так дынамічна і хутка падштурхнуў нас да таго, што нам неадкладна трэба ствараць гэты аператыўны кірунак. Разам з заходнім, паўночна-заходнім будзе і паўднёвае крыло», — адзначыў сёння Лукашэнка.
Лукашэнка таксама нагадаў пра ратацыю Узброеных сіл, сіл спецыяльных аперацый (заходні, паўночна-заходні кірунак), батальённых тактычных груп.
«Мы павінны праводзіць гэтую ратацыю, гэта маё жорсткае патрабаванне, і на гэтым «абкатваць» нашых вайскоўцаў. Гэта ўмова ваеннага часу. Але пакуль без вайны. Я адчуваю і атрымліваю інфармацыю, што хлопцы паводзяць сябе годна. Нам трэба і планаванне адпрацоўваць у гэтых умовах: калі, не дай бог, вайна, як дзейнічаць мы будзем», — падкрэсліў Лукашэнка.
-
Прарасійскага актывіста, паплечніка Мірсалімавай асудзілі на 10 сутак за «экстрэмізм»
-
«Да акцыі далучыліся толькі маргіналы». Што пісаў у чатах пасля свайго выкрыцця кадэбэшнік, адказны за беларускую эміграцыю
-
Польская паліцыя не змагла пакуль вызначыць, дзе знаходзіцца спікерка КР Анжаліка Мельнікава
Цяпер чытаюць
«Да акцыі далучыліся толькі маргіналы». Што пісаў у чатах пасля свайго выкрыцця кадэбэшнік, адказны за беларускую эміграцыю1
Каментары