«Віцязь» зрабіў зараднае прыстасаванне для электрамабіляў пад кітайскі стандарт
ААТ «Віцязь» распрацавала і асвоіла выпуск мадэлі электразараднай станцыі пад кітайскі стандарт зарадкі электрамабіляў GB/T, паведаміў галоўны інжынер прадпрыемства Уладзіслаў Паўленка. Упершыню навінка была прадстаўленая на нядаўна праведзеным міжнародным форуме TIBO-2022.
Патрэба распрацоўкі такой зарадкі ўзнікла з-за таго, што «падзеі першай паловы 2022 года, якія імкліва развіваюцца, унеслі карэктывы ў развіццё мясцовага рынку электратранспарту».
У выніку гэтых падзей, па словах Уладзіслава Паўленкі, беларусы сталі аддаваць перавагу бюджэтным кітайскім электрамабілям, якія маюць сваю спецыфіку і перш за ўсё ўласны зарадны стандарт GB/T пастаяннага току. Пры гэтым парты кітайскага стандарту несумяшчальныя з партамі еўрапейскага, маючы адрозненні ў канструктыўнай і электроннай частцы.
Таму, «аператыўна рэагуючы на патрэбы рынку, «Віцязь» першым на постсавецкай прасторы асвоіў выпуск зараднай станцыі пад кітайскі стандарт пастаяннага току».
Зараз прадпрыемства запусціла ў вытворчасць мадэль магутнасцю 90 кВт і мае намер распрацаваць яшчэ адну мадэль на 50 кВт.
-
Расійская агентура выкарыстала нейрасетку Claude для крадзяжу і для ўплыву на выбары
-
Навукоўцы знайшлі шэсць загадкавых структур глыбока ў нетрах Зямлі
-
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары