У Слоніме згубіўся трохгадовы хлопчык, бацькоў знайшлі толькі на другі дзень
У Слоніме трохгадовы малы ўвечары зайшоў у краму і ўзяў у халадзільніку порцыю марожанага. На выхадзе яго спыніла ахова і выклікала міліцыю, пасля чаго аказалася, што малы згубіўся. Знайсці яго бацькоў аказалася няпростай задачай, піша «Вечерний Гродно».
Хлопчык быў зусім адзін і не змог растлумачыць, хто ён такі і дзе яго бацькі, бо амаль не размаўляў. Некалькі гадзін яго вазілі па кварталах, спадзеючыся, што ён зможа паказаць, дзе жыве. Але гэтага не адбылося. Заява аб знікненні дзіцяці ў праваахоўныя органы таксама не паступала.
Нічога не заставалася, як змясціць дзіця на ноч у медустанову, а раніцай працягнуць пошукі яго бацькоў. Мама знайшлася неўзабаве. Яна расказала, што ёй стала дрэнна, пасля чаго яна прыняла лекі і заснула. А сын тым часам самастойна адкрыў дзверы і выйшаў. Бацька ў гэты час быў на працы, а другое дзіця таксама спала.
«Уварваліся з дручкамі». Сведка расказаў, як сілавікі збілі аўтаслесара з Віцебска. Праз год той памёр5
«Уварваліся з дручкамі». Сведка расказаў, як сілавікі збілі аўтаслесара з Віцебска. Праз год той памёр
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары