Японія ўвяла экспартныя санкцыі супраць 25 беларускіх арганізацый
Японія ўвяла экспартныя санкцыі ў дачыненні да 25 беларускіх арганізацый, а таксама забарону на імпарт золата з Расіі, паведаміла МЗС краіны.
З беларускіх структур пад санкцыі трапілі «140-ы рамонтны завод», «558-ы авіярамонтны завод», «Агат — сістэмы кіравання», «2566-ы завод па рамонце радыёэлектроннага ўзбраення», «Агат — сістэм», «Агат — электрамеханічны завод», «БелОМА», «Белспецзнештэхніка», «Белтэхэкспарт», «БСВТ — новыя тэхналогіі», Унутраныя войскі МУС, УУС Гомельскага аблвыканкама, спецназ «Альфа» КДБ, «Кідма-тых», «Мінатор-Сэрвіс», МЗКЦ, «Абаронныя ініцыятывы», «КБ-Радар», «Пеленг», Дзяржкамваенпрам, КДБ, «Трансавіяэкспарт».
Таксама ўрад Японіі зацвердзіў забарону на імпарт золата з Расіі і пашырыў санкцыі ў дачыненні да расійскіх фізічных асоб і арганізацый. У спіс арганізацый, для якіх дзейнічаюць новыя абмежаванні, патрапілі завод «Рубін», авіязавод «Сухога», Новасібірскі авіязавод і іншыя.
МЗС Японіі ўдакладніў, што новыя санкцыі прынятыя з-за «міжнароднай сітуацыі з нагоды Украіны».
Каментары