Еўрапал затрымаў 11 чалавек, якія перавозілі мігрантаў у ЕС праз Беларусь
Еўрапал паведаміў пра затрыманне 11 чалавек, якія перавозілі мігрантаў з Беларусі ў ЕС, піша «Медыязона» са спасылкай на паліцэйскую службу.
13 ліпеня сілавікі затрымалі 10 мужчын ва ўзросце ад 24 да 39 гадоў у Польшчы і аднаго ў Вялікабрытаніі. Вобшукі прайшлі ў Германіі, Літве і Польшчы. Паводле інфармацыі Еўрапала, гэтая група перавезла 662 мігрантаў.
Польская пагранслужба сцвярджае, што ў групу ўваходзілі прадстаўнікі «фанацкіх» рухаў.
20 прадстаўнікоў той жа «злачыннай сеткі» арыштавалі ў студзені 2022 года ў Польшчы. Тады ў іх канфіскавалі больш за паўмільёна еўра.
Па даных Еўрапала, кантрабандысты выкарыстоўвалі тры маршруты з Ірака праз Турцыю для перавозкі мігрантаў:
у Беларусь, а потым у бок Польшчы і Германіі;
праз Расію і Беларусь у бок Латвіі і Германіі;
праз Расію і Беларусі ў напрамку Літвы, Польшчы і Германіі.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары