Мікалай Аўтуховіч на адзінаццаты дзень сухой галадоўкі з цяжкасцю можа сядзець
Як паведамляе Радыё Свабода, Мікалай Аўтуховіч сёння прысутнічаў на судовым пасяджэнні ў будынку гродзенскай турмы. Яму па-ранейшаму выдзяляюць у зале асобную цесную клетку, і выглядае ён вельмі кепска.
На пытанне, ці можа ён сядзець, падсудны адказаў, што здолее, калі паляжыць 15 хвілін, а інакш не можа. На пытанне, ці патрэбен яму лекар, вязень адказаў, што той усё адно нічым не здолее дапамагчы. Лекар заявіў, што Аўтуховіч выглядае адпаведна чалавеку, які галадае без вады 11-ы дзень.
У судзе абвясцілі перапынак да панядзелка, гэта будзе 15-ы дзень галадоўкі, калі Мікалай не пачне піць і есці.
Учора стан Аўтуховіча рэзка пагоршыўся: узмацніліся болі ў жываце, пачалася рэзь, стаў надта часты пульс. Лекар агледзеў яго і паведаміў, што патрэбен дадатковы агляд. У судзе праз гэта зрабілі перапынак. Але ўрэшце вязню не дапамаглі. Укол, які яму рабілі ўчора перад пасяджэннем, не палепшыў ягонае адчуваньне.
Цяпер ён у карцары, дзе няма ложка, а нары могуць апусціць толькі на ноч (гэтае правілы не заўжды выконваюць для «палітычных»). Заўтра ён мае перайсці ў звычайную камеру.
Раней стала вядома, што Аўтуховіч моцна абязводжаны, у яго перасохлі вусны і язык, ад яго ідзе моцны пах ацэтону.
Мікола Аўтуховіч патрабуе сваім галадаваннем толькі аднаго — каб яму пачалі перадаваць лісты ад сваякоў і іншых людзей. Нядаўна абарвалася ліставанне нават са старой маці.
Аўтуховіч — беларускі рэкардсмен у турэмным галадаванні. У 2009 годзе ён галадаваў 90 дзён, у 2005—2006 — 74 дні. Пры гэтым ён піў ваду. У 2013 годзе ён на знак пратэсту парэзаў сабе жывот у турме.
Міколу Аўтуховічу 59 гадоў, ён ветэран вайны ў Афганістане, ваўкавыскі прадпрымальнік і грамадскі актывіст. За кратамі ён больш як паўтара года, гэта трэцяе па ліку ягонае зняволенне. Усяго па «справе Аўтуховіча» судзяць 12 чалавек.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары