Расійскай настаўніцы далі 5 гадоў умоўна за антываенную размову з дзецьмі
Пензенскі суд асудзіў на 5 гадоў пазбаўлення волі ўмоўна настаўніцу Ірыну Ген. На працягу трох гадоў ёй таксама будзе забаронена выкладаць, паведамляе «Бі-бі-сі».
Гісторыя Ген стала вядомая яшчэ ў канцы сакавіка: настаўніца, якая працавала ў вучылішчы алімпійскага рэзерву ў Пензе, на ўроку раскрытыкавала вайну.
Васьмікласнікі спыталі яе, чаму іх не дапусцілі да спаборніцтваў у Еўропе, куды яны збіраліся ехаць. У адказ настаўніца патлумачыла, што Расія стала краінай-ізгоем, бо сусветная супольнасць «здзіўленая, як цывілізаванаму свету можна так сябе паводзіць». Яна казала, што Украіна — самастойная дзяржава, а Расія хоча звергнуць урад іншай краіны, і гэта недапушчальна. «У нас таталітарная дзяржава, — сказала настаўніца. — Любое іншадумства лічыцца думказлачынствам. Мы ўсе паедзем на 15 гадоў. І я зараз ад'еду на 15 гадоў».
Хтосьці з вучняў запісаў яе словы на дыктафон, яны трапілі да сілавікоў, пасля чаго на настаўніцу завялі адну з першых крымінальных спраў за «фэйкі» аб дзеяннях узброеных сіл.
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары