Эпідэміёлаг назвала сімптомы амікрона-ніндзя, што прыйшоў у нашу краіну
Захворванне на новы субварыянт штама каранавіруса ВА 2.75 «амікрон-ніндзя», які распаўсюдзіўся па свеце і ўжо пару тыдняў фіксуецца і ў Беларусі, паходзіць на звычайную прастуду, аднак ёсць і свае сімптомы.
Пра іх распавяла sb.by кандыдат медыцынскіх навук, загадчыца кафедры эпідэміялогіі БДМУ Ірына Вальчук.
— Цяпер у Беларусі рэгіструюцца адзінкавыя выпадкі інфекцыі, выкліканай штамам «амікрон» ВА 2.75. Тым не менш ужо з пачатку жніўня эпідэміёлагі рэгіструюць пэўны рост захворвання COVID-19, у верасні пачнецца больш значны віток (што ў немалой меры звязана з пачаткам адукацыйнага працэсу), які дасягне свайго піку да лістапада-снежня, — кажа Ірына Вальчук. — Цяпер большасць хворых пераносіць інфекцыю ў лёгкай форме, асноўныя сімптомы і клінічныя праявы нагадваюць тыя, што бываюць пры сезонных ВРІ, паколькі перш за ўсё «ніндзя» паражае менавіта верхнія дыхальныя шляхі:
— павышэнне тэмпературы да 38 градусаў, а ў некаторых выпадках і вышэй;
— ламота ў мышцах і суставах;
— начная патлівасць;
— закладзенасць носа, насмарк;
— ахрыпласць або пяршэнне ў горле;
— чыханне і сухі кашаль;
— зніжэнне апетыту, слабасць, галаўныя болі;
— парушэнні працы страўнікава-кішачнага тракту (ЖКТ) — у інфікаваных могуць назірацца млоснасць, ваніты, боль або ўздуцце ў жываце, пякотка, а таксама дыарэя;
— нячаста адзначаецца страта смаку і нюху;
— у дзяцей магчымыя высыпанні на скуры.
Каментары