Гаспадарчы суд Магілёўскай вобласці пачаў разгляд іска ЖРЭА Ленінскага раёна Магілёва ў дачыненні да ГА «БНФ «Адраджэнне».
ЖРЭА патрабуе высялення грамадскага аб'яднання з офіса ў Магілёве, а таксама платы за арэнду памяшканняў у памеры 5 мільёнаў рублёў.
«Я перакананы, што прадстаўнік ЖРЭА атрымаў загад з гарвыканкама настойваць на высяленні ГА «БНФ «Адраджэнне», нягледзячы на тое, што мы спраўна сплачваем арэндную плату.
У Магілёве Партыя БНФ разам з шэрагам іншых палітычных партый і грамадскіх аб'яднанняў удзельнічала ў кампаніі супраць карупцыі тутэйшых чыноўнікаў.Падчас гэтай кампаніі мы выявілі і даказалі ў судзе факты незаконнай выдачы гарвыканкамам зямельных участкаў людзям, якія знаходзяцца ці знаходзіліся на кіруючых пасадах. Думаю, што гарвыканкам шукае шляхі помсты», — заявіў Рыгор Костусеў.
Пасля разгляду справы
суд прапанаваў ЖРЭА адклікаць іск, бо высветлілася, што ГА «БНФ «Адраджэнне» не мае запазычанасцяў перад камунальнымі службамі Магілёва. Нягледзячы на прапанову суда, прадстаўнік ЖРЭА працягваў настойваць на высяленні ГА "БНФ "Адраджэнне" з офіса.
У выніку справа адкладзена да наступнага тыдня. Да гэтага часу павінна адбыцца праверка плацяжоў. Калі гэта будзе зроблена, суд зноў будзе разглядаць справу.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары