Рэдактар «Нашай Нівы» Андрэй Скурко ў зняволенні працягвае пісаць цудоўныя дзіцячыя вершы.
Жонка Андрэя Паўліна, якая выставіла гэты верш у фэйсбуку, каментуе яго:
«Высокія дрэвы вецер гне мацней. Што ж. Вецер гне, а ён сачыняе ды сачыняе».
Балада пра эвакуатар
Ехаў неяк з працы
Грузавік адзін,
І ў яго раптоўна
Скончыўся бензін.
Трапіў цвік у кола,
Стрэльнуў рухавік…
Збочыў невясёла
Бедны грузавік.
Стаў напаўдарогі
У полі ўначы.
Трэба дапамога —
Як дапамагчы?
Грузавік заўзята
У сігнал гудзеў,
Каб эвакуатар
Да яго ляцеў.
Той пачуў з трывогай
Голас сябрука,
Прыімчаў дарогай
Да грузавіка.
На прычэп паставіў,
Зачапіўшы трос,
Бак яму заправіў —
І дамоў адвёз.
А тым часам вершы Андрэя цяпер можна прачытаць і на паперы. Нядаўна выйшла кніга Андрэя Скурко «Пра сланоў і барсучкоў». У ёй 65 вершаў, на кожнай старонцы — яркія малюнкі, а ў канцы кнігі — QR-код, па якім можна глядзець гэтыя ж вершы ў мультфільмах.
Кніжка ў аправе (цвёрдая вокладка), на добрай паперы. Набыць можна самавывазам у Мінску, а таксама з дастаўкай па Беларусі і за мяжу.
Глядзіце, чытайце, вучыце вершы Андрэя, ды абдымайце адзін аднаго.
Чытайце таксама:
«Бег дарогай насарог і на розе нёс пірог». Новы дзіцячы верш Андрэя Скурко
«І на гэтым мікрабусе еду я па Беларусі». Новы дзіцячы верш Андрэя Скурко
Цяпер чытаюць
Лукашэнка заявіў, што расцягнуў мышцы спіны пасля падзення на хакеі4
Лукашэнка заявіў, што расцягнуў мышцы спіны пасля падзення на хакеі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары