Галоўчанка: «Усё, што мы гаворым, і з'яўляецца нашай знешняй палітыкай»
Дыпламаты павінны дабівацца, каб пазіцыя Беларусі была заяўлена выразна і гучна. Пра гэта заявіў прэм'ер-міністр Раман Галоўчанка, прадстаўляючы новага міністра замежных спраў Сяргея Алейніка калектыву МЗС, піша БелТА.
«Варта выкарыстоўваць усе даступныя пляцоўкі для давядзення нашай сумленнай пазіцыі па пытаннях унутранай і знешняй палітыкі. Прычым рабіць гэта эфектыўна: не проста выдаць каментарый недзе, а працаваць актыўна і наступальна.
Нягледзячы на тое, што часам нас не хочуць чуць (ці робяць выгляд), вы павінны дабівацца таго, каб пазіцыя Беларусі была заяўлена выразна і гучна.
Няхай з намі цяпер не ўсе згаджаюцца, але голас Беларусі павінны чуць і разумець нашы падыходы, якія заўсёды адкрытыя, сумленныя і празрыстыя. Мы не вядзём ні двайных, ні трайных гульняў. Усё, што мы гаворым, і з'яўляецца нашай знешняй палітыкай», — сказаў Раман Галоўчанка.
Ён падкрэсліў: як бы ні былі негатыўна настроены ў адносінах да Беларусі асобныя заходнія колы, дыпламат абавязаны напрацоўваць базу замежных кантактаў высокага ўзроўню ў любых умовах.
«Гэта і ёсць асноўнае прызначэнне, асабліва для тых, хто працуе за межамі нашай Радзімы. Гэта датычыць у першую чаргу пасольстваў і іншых загранустаноў. Якімі б ні былі адносіны ў публічнай плоскасці, дыпламаты абавязаны весці і непублічную перагаворную работу», — адзначыў прэм'ер-міністр.
-
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»
-
У продажы з’явілася пашыранае англамоўнае выданне кнігі Алеся Бяляцкага
-
«Хто праз вёску едзе — спыняецца, фатаграфуе». Беларуска расказала пра гісторыю векавога дрэва на сваёй сядзібе
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары