27 кастрычніка ў Дзяржаўным літаратурным музеі Янкі Купалы адбудзецца адкрыццё выставы фотамастака Сяргея Плыткевіча «Планета Беларусь».
27 кастрычніка а 17-й гадзіне ў Дзяржаўным літаратурным музеі Янкі Купалы адбудзецца адкрыццё выставы фотамастака Сяргея Плыткевіча «Планета Беларусь».
Сяргей Плыткевіч — вядомы фотамастак, аўтар фотаальбомаў «Мая Беларусь», «Беларуская экзотыка», «Ад Полацка пачаўся свет», «Палессе», «Нечаканая Беларусь», здымкаў для мноства пуцяводнікаў, календароў, камплектаў паштовак, брашур і плакатаў.
Па выніках рэспубліканскага конкурса «Мастацтва кнігі» фотаальбомы яго выдавецтва «Рыфтур» на працягу апошніх трох гадоў прызнаюцца лепшымі, у персанальнай намінацыі Сяргей Плыткевіч прызнаны «Фотамастаком года» ў 2007 годзе.
На выстаўцы можна ўбачыць Беларусь з вышыні птушынага палёту, самыя нечаканыя вобразы нашай краіны. Сваімі творамі аўтар жадае даказаць, што прыгажосць можна знайсці ў любым кутку нашай зямлі. Гэта можа быць звычайнае балота, павалены лес ці невялічкае возера. Галоўнае — мець магчымасць убачыць гэтую прыгажосць і данесці яе да гледача. Экспанаты выстаўкі выклікаюць у наведвальніка дзівоснае пачуццё ад судакранання з хараством і чысціней нашай роднай зямлі.
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача17
Каментары