Абмеркаванне навіны аб адмене Масленкі «УКантакце» дае ўяўленне аб настроях насельніцтва.
Першымі аб рашэнні пра адмену свята паведамілі ўлады Кабанскага раёна.
Затым падобныя рашэнні прынялі ў Заіграеўскім, Тарбагатайскім, Івалгінскім раёнах.
У адпаведнасці з інфармацыяй з сацыяльных сетак, колькасць нядаўна загінулых можа складаць 70 чалавек.
Аб тым, што лічбы загінулых могуць быць значнымі, ускосна сведчыць факт прысваення 24 лютага 2023 года асобным указам прэзідэнта Расіі 35-й зенітнай ракетнай брыгадзе, якая ўваходзіць у склад 36-й агульнавайсковай арміі і дыслакуецца ў Бураціі, наймення «гвардзейская» «за масавы гераізм і адвагу, стойкасць і мужнасць, праяўленыя асабовым складам брыгады ў баявых дзеяннях па абароне Айчыны і дзяржаўных інтарэсаў ва ўмовах узброеных канфліктаў».
Абмеркаванне навіны аб адмене Масленіцы «УКантакце» дае ўяўленне аб настроях насельніцтва. Побач з такімі выказванням, як «Вечная слава героям!», ёсць і меркаванні кшталту «Якім героям? Прыйшлі ў чужую краіну забіваць людзей», «Увогуле тады па ўсёй Расіі неабходна жалобу абвясціць да самага заканчэння СВА, калі так пайшло».
У каментарах пад навіною аб адмене святкаванняў у тэлеграм-канале «Режим Б» пытаюцца аб тым, хто панясе адказнасць за такія страты, а таксама заўважаюць: «Главу [раёна] самога чапляе такая сітуацыя, калі яго землякоў раптам вязуць загінулымі дзясяткамі».
Паводле апошніх ацэнак амерыканскай і брытанскай разведак, расійскія страты, з улікам ПВК «Вагнер», а таксама фарміраванняў марыянеткавых «ДНР» і «ЛНР», на гэты момант дасягнулі 175—200 тысяч чалавек, з іх 40—60 тысяч загінулі.
Каментары
хм... зазірнула ў бурцкі слоўнік - а ў іх мове па ходу няма слова герой. дакладней - ёсць, але яно з расейскай. так - Герой Социалистического Труда -- Социалистическэ Ажалай Герой