Сёньня спаўняецца 80 гадоў кіраўніку Скарынаўскай бібліятэкі ў Лёндане а. Аляксандру Надсану
Сёньня (8 жніўня) спаўняецца 80 гадоў а. Аляксандру Надсану – кіраўніку Беларускай бібліятэкі-музэя імя Францішка Скарыны ў Лёндане, апостальскаму візытатару для беларусаў каталікоў замежжа, аўтарытэтнаму і грунтоўнаму навукоўцу.
Айцец Аляксандар прыйшоў на сьвет 8 жніўня 1926 г. у заходнебеларускім мястэчку Гарадзея – сёньня гэта Нясьвіскі раён Менскай вобласьці. Увесну 1944 г. ён скончыў Нясьвіскую настаўніцкую сэмінарыю, а праз некалькі тыдняў разам з курсантамі Менскай афіцэрскай школы БКА вымушаны быў пакінуць радзіму. З восені 1944 г. ваяваў у складзе 2-га Польскага корпусу брытанскіх узброеных сіл.
У 1946 г. жаўнеры корпусу былі эвакуяваныя з Апэнінаў у Брытанію, дзе сп. Аляксандар спрычыніўся да стварэньня галоўнай нацыянальнай арганізацыі – Згуртаваньня беларусаў у Вялікабрытыніі. Ён нават цягам двух тэрмінаў быў старшынём ЗБВБ (1951–1953). У 1953 г., пасьля таго як скончыў матэматычны факультэт Лёнданскага ўнівэрсытэту, выехаў у Рым, дзе скончыў легендарную Грэцкую калегію (духоўную сэмінарыю для каталікоў усходняга абраду).
23 лістапада 1958 г. а Аляксандар Надсан прыняў сьвятарскія пасьвячэньні, а ў ліпені 1959 г. вярнуўся ў Лёндан – «служыць тут свайму народу». І гэтая служба працягваецца ўжо 47 гадоў.
Супрацоўнікі «Нашай Нівы» ад усяго сэрца віншуюць а. Аляксандра з днём народзінаў.
-
Пасля шасці гадоў зняволення выйшаў на свабоду пінскі палітвязень Ігар Салавей
-
Пратасевіч адказаў Статкевічу і НН: Маё сумленне чыстае. А пра трусы маёй абранніцы прачытаюць больш, чым пра ўсемагчымыя Каардынацыйныя рады
-
Памятаеце жанчыну, якую падманулі расійскія турысты? Кампанія, якая тут ні пры чым, прапанавала ёй кампенсацыю
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары