Новая лялька — частка лініі Mattel Barbie Fashionistas, мэта якой — прапанаваць дзецям разнастайныя ўяўленні аб прыгажосці і змагацца са стыгматызацыяй, звязанай з фізічнымі асаблівасцямі. Так, яшчэ раней з’явіліся лялькі з пратэзам нагі, слыхавым апаратам, у інвалідным вазку і з вітыліга.
Новая Барбі мае цела, падобнае да таго, якое маюць жанчыны з сіндромам Даўна: кароткую фігуру і падоўжаны торс. Твар мае круглявую форму, вушы меншага памеру, плоскае пераноссе, міндалепадобныя вочы. Для таго, каб цацка атрымалася праўдападобнай, яе стваральнікі кансультаваліся з медыкамі і з амерыканскім Нацыянальным таварыствам людзей з сіндромам Даўна.
«Наша мэта — даць магчымасць усім дзецям убачыць сябе ў Барбі, а таксама заахвочваць дзяцей гуляць з лялькамі, якія не падобныя да іх саміх», — гаворыцца ў заяве Лізы Макнайт, выканаўчага віцэ-прэзідэнта Mattel і глабальнага кіраўніка Barbie Dolls.
Мастак стварыў унікальныя гульні для беларусаў. У кожнай з іх — глыбокі сэнс
Выйшла настольная гульня «Тутэйшыя» са знакамітымі беларусамі
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна16
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5555
Каментары