Міністэрства сельскай гаспадаркі і харчавання змяніла гранічныя мінімальныя цэны на тавары, якія рэалізуюцца па знешнегандлёвых дамовах. Зроблена гэта пастановай міністэрства ад 5 мая 2023 года № 54, апублікаванай на Нацыянальным прававым партале.
Ніжні парог цэн, якія тычацца паставак сельгаспрадукцыі ў Расію, не змяніўся. А вось на большасць тавараў, якія экспартуюцца ў іншыя краіны, яны зменшыліся.
Напрыклад, мінімальная цана на сметанковае масла з утрыманнем малочнага тлушчу 80% і больш зменшылася да 5,45 даляра за 1 кг. Толькі для Ізраіля і Азербайджана цана засталася на ўзроўні 6 даляраў за 1 кг.
Ніжні парог цаны на сметанковае масла з утрыманнем малочнага тлушчу больш за 72 %, але менш за 80%, паменшыўся да 4,8 даляра за 1 кг. Толькі для Азербайджана яна па-ранейшаму засталася на ўзроўні 5,2 даляра за 1 кг.
Мінімальныя цэны на мяса маладняка буйной рагатай жывёлы зменшыліся да 3,9 даляра за 1 кг, на мяса ж дарослых жывёл — да 3,8 даляра за 1 кг. Цяпер яны аднолькавыя для ўсіх краін, апрача Расіі.
Папярэдняе змяншэнне Мінсельгасхарчам экспартных цэн на сельскагаспадарчую прадукцыю было зусім нядаўна — 12 красавіка.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары