«Святло выключылі на рэпетыцыі, я ўпаў, зламаў палец», — расказаў ён.
Прадстаўніка Беларусі на міжнародным дзіцячым конкурсе «Еўрабачанне-2009» Юру Дземідовіча, які 22 лістапада вярнуўся з Кіева, у аэрапорце сустрэлі апладысментамі.
«Я вельмі стаміўся, усё гэта вельмі складана, — сказаў Дземідовіч. — Найбліжэйшым часам планую адпачыць, а потым — працаваць». Паводле яго слоў, хутка адбудзецца здыманне кліпа на песню «Чароўны трус».
Выканаўца прызнаўся, што яму вельмі спадабалася ў Кіеве, нават ад'язджаць не хацелася, аднак арганізацыя конкурсу «была крыху не вельмі». «Святло выключылі на рэпетыцыі, я ўпаў, зламаў палец», — сказаў ён. Нагадаем, інцыдэнт адбыўся 19 лістапада, напярэдадні генеральнай рэпетыцыі конкурсу.
Дземідовіч заняў на «Еўрабачанні» дзевятае месца. Першае месца атрымаў 14-гадовы Ральф Макенбах з Нідэрландаў.
Раней канкурсанты з Беларусі двойчы станавіліся пераможцамі дзіцячага «Еўрабачання». У 2007 годзе першае месца заваяваў мінскі школьнік Аляксей Жыгалковіч, у 2005 годзе — Ксенія Сітнік з Мазыра.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай3
Каментары