Пад Туравам моцна пакалечыўся мінчук, які прыехаў адпачыць на Прыпяці. Ён скокнуў у раку і атрымаў пералом шыі, як піша тэлеграм-канал «Жыткавічы online».
Фота: «Жыткавічы online»
Надзвычайнае здарэнне адбылося ў мінулую пятніцу каля Турава, на процілеглым беразе Прыпяці. 35-гадовы мінчук, які там купаўся, атрымаў сур'ёзную траўму: ягоны скачок у раку прывёў да пералому шыйнага аддзела хрыбетніка.
Ратавальнікі і медыкі эвакуявалі мужчыну ў Тураў і даставілі ў Жыткавіцкую цэнтральную бальніцу. Яны нагадалі, што не варта ныраць у незнаёмых месцах, купацца ў нецвярозым стане, а таксама на «дзікіх» пляжах і ў неабсталяваных месцах — гэта асноўныя прычыны гібелі на вадзе.
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары