Падчас сённяшняй бамбёжкі Адэсы пацярпелі і людзі, і знакавая архітэктура.
Па словах кіраўніка ваеннай адміністрацыі Адэскай вобласці Алега Кіпера, папярэдне 25 помнікаў архітэктуры былі пашкоджаныя расейцамі пры атацы на Адэсу гэтай ноччу.
Сярод іх будынкі XIX-XX стагоддзя:
— дом Чыжэвіча,
— дом Папудавай,
— дом Заблудаўскага,
— дом Гагарына,
— дом Януша,
— дом Жданавай,
— дом Расель дэль Турко,
— дом Маса,
— асабняк Манук-Бея,
— дом Кавалеўскага,
— дом Пора,
— дом Машэўскага і іншыя.
Гістарычны цэнтр Адэсы знаходзіцца пад абаронай ЮНЕСКА.
Сёння Расія выпусціла па Адэскай вобласці 19 ракет: пяць крылатых «Онікс», тры ракеты Х-22, чатыры «Калібры», пяць ракет «Іскандэр-К» і дзве — «Іскандэр-М», як паведамілі ў Паветраных сілах Украіны.
Збіць удалося толькі дзевяць ракет — чатыры «Калібры» і пяць «Іскандэр-К».
Паведамлялася, што падчас атакі адзін чалавек загінуў, больш за 20 параненыя.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3512
Каментары