Каля станцыі метро «Спартыўная» ў Мінску з'явіцца гандлёвы цэнтр з фудмолам. Большая частка плошчаў ужо асвоеная арандатарамі, там ідуць аздобныя работы, паведамляе Office Life.
![](http://nnexpictures.fra1.digitaloceanspaces.com/img/w732d4webp1/photos/z_2023_09/4bb44e9b2ec4c85e41afe86ca178a830-cpzdv.jpg.webp)
Фота: дэвелапер «Сігмаполюс»
Гандлёвы цэнтр знаходзіцца побач з ТЗЦ «Цівалі», ён займае 4 тыс. кв. метраў. На першым узроўні будынка размесцяцца крамы, а на другім — фудмол, дзе сканцэнтруецца больш за 20 гастраканцэптаў, у тым ліку са стравамі аўтарскай кухні.
У самім фудмоле ўзвялі сцэну для канцэртаў.
Дэвелапер «Сігмаполюс» анансуе адкрыццё гэтага гандлёвага цэнтра ў найбліжэйшыя месяцы.
Каментары