Расійскі ваенкар прызнаў, што ўкраінскія ракеты сёння ўдарылі па караблях у Севастопалі
Вядомы расійскі ваенкар «Рыбарь» прызнаў, што УСУ сёння сапраўды нанеслі ўдар па партовай інфраструктуры Севастопаля.
Паводле ваенкара, раніцай 23 верасня ўкраінцы выпусцілі шэсць супрацькарабельных ракет «Нептун» з Адэскай вобласці. Пад удар УСУ патрапілі прычалы №17 і 19 у бухтах Галандыя і Сухарная, у якія трапілі два «Нептуны».
Цэллю, паводле «Рыбаря», былі караблі, якія стаялі там і падлягалі спісанню. Ступень нанесенай шкоды пакуль невядомая.
Астатнія ракеты нібыта былі збітыя падраздзяленнямі СПА.
«Рыбарь» лічыць, што, мяркуючы з выбару аб'ектаў не толькі ў Крыме, але і Херсонскай і Запарожскай абласцях, УСУ маюць за мэту парушэнне сістэм кіравання, камандавання і сувязі расіян.
«Беларусь цябе любіць». Рэпартаж з развітання з Мікітам Мелказёравым8
Каментары