Знятая на «Беларусьфільме» карціна не прайшла адбор для ўдзелу ў Берлінскім міжнародным кінафестывалі.
Знятая на «Беларусьфільме» карціна «Ваўкі» не прайшла адбор для ўдзелу ў Берлінскім міжнародным кінафестывалі.
Пра гэта паведаміла галоўны рэдактар Нацыянальнай кінастудыі «Беларусьфільм» Наталля Сцяжко 14 снежня на прэс-канферэнцыі ў Мінску.
Нагадаем, у канцы жніўня «Беларусьфільм» заявіў аб намеры ўпершыню прадставіць сваю мастацкую стужку на Берлінскім міжнародным кінафестывалі, што пройдзе ў лютым 2010 года. На Берлінале планавалася накіраваць псіхалагічную драму «Ваўкі» рэжысёра Аляксандра Колбышава паводле матываў аднайменнай аповесці Аляксандра Чакменева.
Дзеянне фільма адбываецца ў пасляваенныя гады. Зімой з эшалона з асобымі зняволенымі збягае Кірыл Палятаеў. Прабіраючыся скрозь заснежаны лес, ён дабіраецца да роднай вёскі.
Аднак не ўсе яе жыхары гатовыя прыняць былога аднавяскоўца — на яго ладзяць сапраўднае паляванне. Знаёмыя Палятаева дапамагаюць яму ўцячы ў лес, дзе выратаваны ад людзей-ваўкоў ён натыкаецца на зграю сапраўдных ваўкоў. У фільме знятыя Андрэй Панін, Дзмітрый Ульянаў, Уладзімір Гасцюхін.
На «Беларусьфільме» была створана спецыяльная рабочая група для падрыхтоўкі ўсіх неабходных дакументаў для ўдзелу ў Берлінале. Сумесна з рэжысёрам і здымачнай групай яна падрыхтавала субцітры да карціны на англійскай і нямецкай мовах, што з'яўляецца адным з галоўных умоў фестывалю.
Сцяжко сцвярджае, што пра фільм «Ваўкі» ў аргкамітэце Берлінале былі вельмі добрыя водгукі, аднак гэта «не іх фармат». «Берлінале — гэта больш арт-хауснае кіно», — адзначыла спецыяліст.
Паводле яе слоў, тэма Вялікай Айчыннай вайны і яе наступстваў цяпер не выклікае цікавасці ў Еўропе.
Галоўны рэдактар «Беларусьфільма» заявіла, што фільм «Ваўкі» будзе спрабавацца для ўдзелу ў іншых фестывалях. Паводле яе слоў, найлепшы фестываль для гэтай карціны — Маскоўскі.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект15
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары