Мілінкевіч расказаў, колькі працэнтаў галасоў набраў на выбарах 2006 года
«Было адчуванне, што нас падтрымлівае велізарная колькасць людзей».
Па афіцыйных выніках прэзідэнцкіх выбараў 2006 года адзіны кандыдат ад апазіцыі Аляксандр Мілінкевіч атрымаў 6% галасоў па краіне і 10% у Мінску.
У новым выпуску ТОКу, адказваючы на пытанне, колькі ж сапраўды ён набраў галасоў, Мілінкевіч спаслаўся на вынікі экзіт-полаў, якія ў той час праводзіліся як расійскімі, так і беларускімі даследчыкамі. Палітык мяркуе, што набіраў ад 20% да 25% галасоў.
«Зразумела, што я не мог выйграць, але гэта выдатны вынік як на тыя часы з тымі абмежаваннямі, якія былі», — лічыць былы экс-кандыдат у прэзідэнты і дадае, што момантамі яго камандзе здавалася, што ён можа перамагчы.
Па словах палітыка, тады ўлады ў большасці гарадоў дазволілі правесці сустрэчы з выбаршчыкамі. Яны прайшлі ў вялікіх памяшканнях, якія былі цалкам запоўненыя.
«У нас было адчуванне, што нас падтрымлівае велізарная колькасць людзей. Мы ўсё ж былі сярод сваіх людзей, аднадумцаў, прадэмакратычных, прабеларускіх, праеўрапейскіх. І момантамі было пачуццё, што мы можам», — згадвае Мілінкевіч і дадае, што на вынікі выбараў, акрамя асобы кандыдата, значны ўплыў аказвае стан грамадства, яго адносіны да таго, што прапануе кандыдат.
«Нас падтрымала моладзь, больш адукаваныя, больш прадпрымальніцкія людзі. Хутчэй, людзі гарадоў, чым вёсак», — дадае былы экс-кандыдат.
Глядзіце цалкам:
Мілінкевіч: Праз 10 год пасьля Плошчы Каліноўскага я зразумеў, што народная рэвалюцыя ў Беларусі немагчымая. Пакуль што
«Небеларускія сілы спрабуюць адхіліць Ціханоўскую з дапамогай Каардынацыйнай рады» — Мілінкевіч
«І перад Захадам, і перад намі паўстане маральны выбар: ці сядаць з дыктатурай за стол перамоў» — Мілінкевіч
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1313
Каментары