Пра намер зменшыць аб'ёмы будаўніцтва новых дарог расказаў начальнік Галоўнага ўпраўлення аўтадарог Мінтранса Рыгор Глазко. Маўляў, шчыльнасць дарожнай сеткі ў Беларусі і так вялікая.
Рыгор Глазко паведаміў, што па аўтамабільных дарогах агульнага карыстання ў Беларусі перавозяцца больш за 40% усіх грузаў і каля 60% пасажыраў.
Паводле даных Мінтранса, на 1 студзеня 2024 года працягласць аўтамабільных магістраляў агульнага карыстання ў Беларусі складае амаль 87 тыс. км. З іх да рэспубліканскай сеткі адносяцца каля 16 тыс. км, а да мясцовай — 71 тыс. км.
Пры гэтым шчыльнасць дарожнай сеткі ў Беларусі, як сцвярджае чыноўнік, адна з найвышэйшых на постсавецкай прасторы і нават у Еўропе. Таму прынята рашэнне адыходзіць ад новага будаўніцтва на карысць праектаў рэканструкцыі дарог і мастоў.
Асноўная мэта — захаваць і палепшыць створаную сетку дарог праз бягучыя і капітальныя рамонты. Падчас такіх рамонтаў дарожныя будаўнікі будуць замяняць або рамантаваць пакрыццё так, каб яно вытрымлівала нагрузкі да 11,5 т на вось.
Другая задача — рамонт мастоў. Аб'ём такіх работ будзе расці па меры атрымання неабходнага фінансавання, дадаў Рыгор Глазко.
Мінтранс увёў новыя правілы. Таксісты раззлаваліся
Пасля рэканструкцыі адкрылі новую дарогу з Мінска ў Жодзіна
Рэканструкцыя М-1 пакуль не плануецца, на дарогі безвынікова шукаюць грошы — Мінтранс
Павялічылі кошт праезду па беларускіх платных дарогах
Мінтранс: Замест заходніх крэдытаў на дарожнае будаўніцтва будуць кітайскія
«Азначэнне Беларусі як выпаленай зямлі мне не падабаецца». Маналог беларуса, які нядаўна з’ехаў з краіны15
Каментары