Хто тыя спецназаўцы, што жорстка і са здзекамі затрымлівалі музыканта Віктара «Мао» Жаркевіча, які днямі памёр
Сярод іх раней апазналі сына Дзмітрыя Паўлічэнкі і ягонага даўняга саслужыўца Кірыла Барысіка.
Неўзабаве пасля арышту легенды панку Віктара «Мао» Жаркевіча «Байпол» напісаў, што апазнаў спецназаўцаў, якія яго затрымлівалі. Гэта Кірыл Барысік і Арцемій Паўлічэнка — аднагодкі і прыяцелі. Ім абодвум цяпер па 28 гадоў.
Сябры Жаркевіча наракалі, што наступствы гэтага арышту — асабліва ўмовы на Акрэсціна — моцна падарвалі маральны стан музыканта. Праз два гады ён памёр — перабіваючыся выпадковымі заробкамі і скардзячыся на праблемы са здароўем.
«Наша Ніва» нагадвае, што вядома пра Барысіка і Паўлічэнку-малодшага.
Кірыл Барысік нарадзіўся ў Слоніме ў простай сям'і. Бацька працаваў на мясакамбінаце, а маці — на абласной станцыі пералівання крыві. Скончыў там школу №9 і Слонімскі кадэцкі корпус на яе базе.
Згодна з інфармацыяй з яго сацсетак, пасля вучэльні ён скончыў Беларускі дзяржаўны ўніверсітэт фізкультуры. І пайшоў працаваць у САХР (Спецыяльны атрад хуткага рэагавання). Цяпер Барысік мае званне старшага лейтэнанта і займае пасаду намесніка камандзіра роты.
Барысік удзельнічаў у разгоне пратэстаў у 2020 годзе. 11 жніўня пагражаў пратэстоўцам зброяй у Мінску, на скрыжаванні праспектаў Любімава і Дзяржынскага (паміж станцыямі метро «Пятроўшчына» і «Малінаўка»).
Праходзіў пацярпелым па трох палітычных судах. Цяпер удзельнічае ў затрыманні беларусаў разам з губазікаўцамі.
Арцемій Паўлічэнка — спадчынны міліцыянт. Ягоны бацька, Дзмітрый Паўлічэнка, у 1990-я кіраваў часцю ўнутраных войскаў №3214. А маці працавала фельчарам у лякарні гэтай вайсковай часці.
Дзмітрый Паўлічэнка вядомы тым, што кіраваў эскадронамі смерці, якія знішчылі шэраг апанентаў Лукашэнкі і крымінальных аўтарытэтаў. Паўлічэнка быў арыштаваны, але вызвалены пасля тыднёвага арышту па асабістым распараджэнні Лукашэнкі. Пасля вызвалення ён адразу заявіў, што гатовы выканаць любы загад Лукашэнкі.
Выкраданне людзей — справа рук САХРу
Увогуле тагачасны САХР быў замяшаны ў шмат якіх брудных справах, а многія байцы пасля былі пакараныя велізарнымі тэрмінамі — напрыклад, Валерый Ігнатовіч ды Дзмітрый Малік, якім прысудзілі пажыццёвае зняволенне. Або справа пяці сахраўцаў, сярод якіх самы вядомы — маёр Карнюшка, асуджаны за спробу заказнога забойства бізнэсоўца. Але Паўлічэнка цалкам пазбег адказнасці.
Бацька трэніраваў Арцемія з дзяцінства. На фота з сацсетак відаць, што Дзмітрый вучыў яго страляць, займаўся з ім адзінаборствамі і іншымі відамі спорту.
І, вядома, браў з сабой на розныя мерапрыемствы.
Пасля школы Арцемій скончыў факультэт унутраных войскаў Вайсковай акадэміі Беларусі. І пайшоў служыць у САХР. Мае званне старшага лейтэнанта, пасаду начальніка разліку і крапавы берэт.
Па звестках праекта «Дзікае паляванне», удзельнічаў у разгонах мірных дэманстрацый у 2020 годзе. Таксама прымаў удзел у затрыманні беларусаў па палітычных матывах, сярод якіх быў і Віктар «Мао» Жаркевіч.
Пасля выпадку з Жаркевічам Паўлічэнку-малодшаму пазваніў блогер Андрэй Павук. На пытанне, ці не фашыст той, Паўлічэнка пачаў пагражаць блогеру. «Пачвара, яшчэ раз сюды пазвоніш — я цябе адшукаю, павер ты мне, жывёліна», — сказаў той Павуку.
Жанаты з дзяўчынай, якая, мяркуючы па сацсетках, не мае дачынення да сілавых структур. Яны ажаніліся шэсць гадоў таму.
«Наша Нiва» — бастыён беларушчыны
ПАДТРЫМАЦЬПамёр легенда беларускага панка Віктар «Мао» Жаркевіч. Губазікаўцы прымушалі яго несці з сабой дзверы ад халадзільніка
20-гадовага хлопца са зборнай па судамадэльным спорце асудзілі за «заклікі да санкцыяў». Пагражала да 12 гадоў
«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу6
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары