Жыхара Масквы асудзілі на 13 гадоў за данат украінцам на 50 еўра
Маскоўскі гарадскі суд прысудзіў 34-гадовага Аляксандра Крайчыка да 13 гадоў калоніі строгага рэжыму па справе аб дзяржаўнай здрадзе (артыкул 275 КК). Прысуд Крайчыку абвясцілі 1 лістапада, піша Медыязона.
Па версіі следства ФСБ, 26 лютага 2022 года, праз два дні пасля пачатку поўнамаштабнага ўварвання Расіі ва Украіну, Крайчык ахвяраваў 50 еўра на рахунак у Deutsche Bundesbank, адкрыты для збору грошай у падтрымку арміі Украіны.
Пераслед Крайчыка пачаўся ў красавіку мінулага года, калі да яго на працу прыйшлі супрацоўнікі ФСБ, якія канфіскавалі ягоны тэлефон. Пазней мужчыну затрымалі, калі ён паспрабаваў паляцець у Стамбул, і арыштавалі на пяць сутак па артыкуле аб дробным хуліганстве.
Затым Крайчыку яшчэ тры разы запар прызначылі арышты па пратаколах аб хуліганстве і непадпарадкаванні паліцэйскаму (частка 1 артыкула 19.3 КаАП). Пасля заканчэння тэрміну апошняга арышту яго затрымалі і павезлі ў невядомым кірунку.
У чэрвені стала вядома, што Крайчыка змясцілі ў следчы ізалятар у Пермі ўжо па крымінальнай справе аб дзяржаўнай здрадзе.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары