Светлавы аб'ект у выглядзе НЛА з'явіцца ў Мінску да навагодніх святаў
Месца пакуль трымаецца ў сакрэце.
Новы светлавы аб'ект у форме НЛА ўпрыгожыць сталіцу ў снежні, паведаміў Мінск-навінам начальнік вытворча-тэхнічнага аддзела прадпрыемства «Мінгарсвет» Яўген Стасяловіч.
— У найбліжэйшыя дні яго будуць мантаваць на ўстаноўчай пляцоўцы, але сама лакацыя застаецца ў сакрэце — няхай гэта стане пераднавагоднім сюрпрызам, — адзначыў Яўген Стасяловіч. — Усяго сталіцу ўпрыгожаць 550 светлавых канструкцый. З іх 125 — аб'ёмныя фігуры. Астатнія 425 канструкцый — розныя абстрактныя формы.
Геаграфію святочнай ілюмінацыі Мінска ў гэтым годзе папоўнілі 14 аб'ектаў — светлавыя матывы на вул. Акадэміка Красіна і на пуцеправодзе на вул. Чкалава.
— Гэта і ўпрыгожаныя дрэвы ў скверы Леніна ў раёне праспекта Незалежнасці, і кожная з дзевяці «Залатых зорак» на ўездах у сталіцу, — патлумачыў Я. Стасяловіч. — Кампазіцыя «Кветка» на плошчы Багушэвіча, фігура самалёта Іл-2 у скверы Акрэсціна, манументальная «Зорка-салют» у парку Перамогі.
Сярод навінак таксама ілюмінацыйнае падсвятленне вуліц:
вул. Свярдлова, на ўчастку ад праспекта Незалежнасці да вул. Кірава;
вул. Камсамольская, на ўчастку ад праспекта Незалежнасці да вул. Кірава;
вул. Сяліцкага, на ўчастку ад вул. А. Бачылы да жылога раёна Шабаны;
праспект Партызанскі — ад вул. Ангарскай да вул. Варвашэні;
праспект Перамогі — ад МКАД да вул. Нарачанскай;
праспект Дзяржынскага — ад плошчы Багушэвіча да вул. Шчорса.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары