Як некаторыя чыноўнікі пазбягалі сваёй працы, Камітэт дзяржаўнага кантролю ў дакладной запісцы паведамляў прэм'ер-міністру Раману Галоўчанку. Даведалася «Зеркало».
З дапамогай Belpol журналісты «Зеркала» атрымалі дакумент, у якім пералічана, праз якія механізмы чыноўнікі пазбягалі працы.
Напрыклад, у 2023-2024 годзе 13 выканкамаў Мінскай вобласці — у тым ліку Мінскі абласны, Мінскі раённы і Лагойскі — дамовіліся з ІВЦ Мінскага абласнога выканкама аб «паслугах комплексных офісных адміністратыўных».
ІВЦ (інфармацыйна-вылічальны цэнтр) Мінскага абласнога выканаўчага камітэта — дзяржаўнае прадпрыемства, але не дзяржаўны орган.
Камітэт, які правяраў дамовы, палічыў, што цэнтр не проста дапамагае чыноўнікам з выканкамаў, а дублюе іх функцыі. У выпадку Мінскага райвыканкама супрацоўнікі ІВЦ рыхтавалі праекты дакументаў, набіралі і рэдагавалі тэксты.
Камітэт дзяржкантролю звярнуў увагу і на КУП «Інфармацыйна-вылічальны цэнтр Гомельаблсельгасхарч». Правяраючыя заўважылі, што яго супрацоўнікі збіралі і апрацоўвалі аператыўную інфармацыю аб ходзе палявых работ і гатоўнасці тэхнікі. Яны павінны былі займацца гэтым кожны дзень з 5.00 да 14.00.
КДК расцаніў гэтую практыку як штучнае павелічэнне штатнай колькасці выканкамаў. На думку камітэта, гэта цягнула на «неабгрунтаванае расходаванне сродкаў бюджэту».
У снежні 2024 года Дзяржкантроль звярнуўся да прэм'ер-міністра Рамана Галоўчанкі з дакладной запіскай аб сітуацыі і прапановай рэзалюцыі. Прэм'ер яе падтрымаў і сказаў, калі выявяцца парушэнні, «прыняць неадкладныя меры».
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары