Раніцай 20 лютага ў Мазыры на Прыпяці хлопчык праваліўся пад лёд, але яго выратаваў мінак, паведамляе прэс-служба Гомельскага падраздзялення МНС.
Інфармацыя пра здарэнне паступіла ад відавочцаў у 10:48. На месца выкліку выехалі ратавальнікі і работнікі «хуткай».
Аказалася, што хлопчык з дзяўчынкай знаходзіліся ў раёне парку культуры і адпачынку «Перамога» на набярэжнай Прыпяці. Па словах дзіцяці, яны чакалі аўтобуса, а паколькі да яго яшчэ быў час, то яны вырашылі паглядзець на качак.
У выніку хлопчык праваліўся пад лёд і пачаў тануць. У гэты час побач апынуўся выпадковы мінак, які падпоўз па лёдзе і выцягнуў дзіця на бераг.
«Я выбраўся таму, што мне дзядзька дапамог. Я амаль ужо дыхаць не мог», — расказаў хлопчык. Яго шпіталізавалі.
Мінскія ўлады расказалі, як будуць змагацца з «акіянам аўтамабіляў» у дварах2
Каментары