Як правесці Ноч музеяў у Вільні, Варшаве і Беластоку? Спіс беларускіх падзей
«Наша Ніва» паглядзела, што могуць наведаць беларусы замежжа ў штогадовую Ноч музеяў.
Вільня
Віленскі беларускі музей імя Івана Луцкевіча
Сёлетняя тэма імпрэзы — «Беларускі маляваны вырай». Праграма мерапрыемстваў пачнецца ў сярэдзіне дня кірмашом майстроў.
Пасля абяцаюць гутарку з рэжысёрам спекталя «Маляваныя словы» і паказ фільма з унікальнымі кадрамі з экспедыцыі, якая даследавала жыццё і лёс Алены Кіш і Марыі Прымачэнка.
Далей у планах — выстава, майстар-класы, канцэрт і танцы пад жывую музыку.
Уся праграма тут.
Варшава
Музей Вольнай Беларусі
Цэнтральнай падзеяй ночы музеяў тут стане выстава «Пяць артэфактаў — і толькі адна ноч», якая будзе праходзіць з 12.00 да 00.00.
Наведвальнікі змогуць пабачыць пяць беларускіх гісторыка-культурных артэфактаў, набытых рознымі ініцыятывамі ў эміграцыі. Рэчы ўпершыню будуць аб’яднаныя ў агульны выставачны праект і прадстаўлены толькі адзін раз і толькі на адзін дзень — на гэтай выставе.
У экспазіцыі будзе Статут ВКЛ, выдадзены ў 1693 годзе, дзве Радзівілаўскія карты ВКЛ XVII стагоддзя, кніга «Пэрэгрынацыя» Мікалая Крыштафа Радзівіла і сакрэтны ліст брэсцкага ваяводы Яна Антонія Гараіна, напісаны ў часы першага падзелу Рэчы Паспалітай.
Усе гэтыя прадметы прэзентуе ініцыятыва «Мальдзіс», Клуб беларускіх мецэнатаў пры Беларускай Радзе культуры і Музей Вольнай Беларусі.
Акрамя выставы будзе працаваць дзіцячая пляцоўка «Кабінет картографа».
У 21.00 абяцаюць канцэрт артысткі Паліны Дабравольскай (CHORNABROVA) і спявачкі Леры Дэле (Koob Dele).
Беласток
Філармонія, галерэя і пікнік
Ноч музеяў у Беластоку абяцае быць мабільнай і закрануць шмат пляцовак. У планах — пікнік на даху оперы, візіт у філармонію, наведванне некалькіх музеяў і мастацкай галерэі, а напрыканцы — канцэрт Кацярыны Ваданосавай. Імпрэзу ладзіць ініцыятыва «Актыўнымі Быць Файна».
Пачынаецца мерапрыемства ў 15 гадзін з пікніка на даху оперы (збор — перад галоўным уваходам у оперу па вуліцы Адэскай). У 17 гадзін чакаецца візіт у Падляскую оперу і філармонію.
Завершыце вечар у мастацкай атмасферы з выставай «Звярынец у мастацтве» і канцэртам Кацярыны Вадонасавай (у 23.00).
Удзел свабодны, але патрэбна рэгістрацыя.
«Наша Нiва» — бастыён беларушчыны
ПАДТРЫМАЦЬЦяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ18
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары