У першай палове верасня надвор’е яшчэ радавала цяплом, але ўжо з 15 па 21 верасня сіноптыкі прагназуюць паступовы пераход да сапраўднай восені. Пра гэта расказаў у эфіры АНТ вядомы беларускі сіноптык Дзмітрый Рабаў.
Дзмітрый Рабаў адзначыў, што, як і летась, верасень сёлета пачаўся з даволі цёплым надвор'ем, але яно не затрымаецца надоўга.
Ужо з пачатку тыдня чакаецца воблачнае надвор’е з кароткачасовымі дажджамі, месцамі магчымыя навальніцы. Ноччу тэмпература будзе трымацца ў межах +9…+15, удзень у панядзелак — ад +14 на паўночным захадзе да +24 на паўднёвым усходзе, у аўторак — каля +20…+24 градусаў.
Сярэдзіна тыдня прынясе больш дажджоў і пахаладанне: у сераду ўначы чакаецца +7…+14, удзень +14…+19. У чацвер і пятніцу стане яшчэ халадней: уначы +8…+13, удзень у межах +12…+19 у чацвер і +12…+17 у пятніцу.
Выхадныя таксама будуць пераважна воблачнымі, з дажджамі ў большасці абласцей. Месцамі магчымы туман з дрэннай бачнасцю. Ноччу чакаецца +10…+17, а днём тэмпература не перавысіць +15 градусаў.
Сіноптык адзначыў, што лета павольна, але ўпэўнена пакідае Беларусь, хаця яшчэ можа быць і бабіна лета.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары