30 ліпеня завяршылася адпраўка ва Узброеныя сілы і іншыя вайсковыя фарміраванні краіны грамадзян, прызваных на тэрміновую ваенную службу і службу ў рэзервевясной-летам 2010 года.
Усяго на тэрміновую службу ў армію і іншыя вайсковыя фарміраванні накіравана каля 10 тысяч чалавек, на службу ў рэзерве — каля 2 тысяч. Адпраўка ў войскі праводзілася з 14 ліпеня. Цяпер у злучэннях і часцях для навабранцаў арганізаваны курсы пачатковай ваеннай падрыхтоўкі. Ваенную прысягу яны прымуць 14 жніўня.
Вывучэнне і адбор грамадзян, якія падлягаюць прызыву на тэрміновую ваенную службу, ажыццяўляліся ваеннымі камісарыятамі краіны, а таксама прадстаўнікамі вайсковых часцей Узброеных сіл, іншых войскаў і вайсковых фарміраванняў з 25 мая па 13 ліпеня.
Прызыўная кампанія праводзілася ў адпаведнасці з указам прэзідэнта ад 16 красавіка 2010 года № 182 «Аб звальненні ў запас ваеннаслужачых тэрміновай ваеннай службы і рэзервістаў, якія выслужылі ўстаноўленыя тэрміны ваеннай службы па прызыве, службы ў рэзерве, і прызыве грамадзян на тэрміновую ваенную службу, службу ў рэзерве ў
Указам устаноўлена, што пацярпелыя ад наступстваў катастрофы на Чарнобыльскай АЭС грамадзяне, прызваныя на тэрміновую ваенную службу, накіроўваюцца ў вайсковыя часці і фарміраванні, якія не знаходзяцца на радыеактыўна забруджаных тэрыторыях, і прызначаюцца на вайсковыя пасады, не звязаныя з работамі па эксплуатацыі крыніц іанізуючага выпраменьвання, звышвысокіх частот і работамі з кампанентамі ракетнага паліва.
Прэзідэнт прадпісаў Беларускай чыгунцы забяспечыць па заяўках Мінабароны, іншых дзяржорганаў, у якіх прадугледжана ваенная служба, перавозку ваеннаслужачых тэрміновай службы і рэзервістаў, якія выслужылі ўстаноўленыя тэрміны, і грамадзян, прызваных на тэрміновую ваенную службу, службу ў рэзерве.
Ваенным камісарам на падставе адпаведных рашэнняў раённых (гарадскіх) прызыўных камісій даручана накіроўваць у органы пракуратуры матэрыялы на грамадзян, якія ўхіліся ад прызыву на тэрміновую ваенную службу, службу ў рэзерве, для прыцягнення іх да адказнасці ў адпаведнасці з дзейным заканадаўствам.
Інфармацыя аб выніках прызыўной кампаніі павінна быць прадстаўлена ўрадам прэзідэнту да 20 лістапада.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары