Журналістка атрымала афіцыйнае папярэджанне за працу 19 снежня на плошчы Незалежнасці без акрэдытацыі. Хоць раней суд яе пакараў за тое, што яна прысутнічала на плошчы як «удзельніца несанкцыянаванага мерапрыемства».
Таццяна Бублікава кажа, што пры вынясенні папярэджання пракурор Павал Елісееў спасылаўся на пратакол яе затрымання на плошчы. У ім журналістка напісала, што выконвала там рэдакцыйнае заданне. У якасці доказаў ёй таксама былі прад’яўлены фота, на якім Бублікава бярэ інтэрв’ю ў удзельнікаў акцыі, а таксама раздрукоўкі матэр’ялаў з інтэрнэту, дзе маркерам былі падкрэслены фразы, што Бублікава супрацоўнічае з тэлеканалам «Белсат».
«20 снежня суд маім сведчанням не паверыў і мяне асудзілі на 10 сутак адміністратыўнага арышту за тое, што я нібыта выкрыквала антыдзяржаўныя лозунгі. Пракурор жа гэтым папярэджаннем фактычна прызнаў, што суд пакараў мяне беспадстаўна», — адзначае Таццяна Бублікава.
Тым не менш, з рашэннем пракуратуры журналістка не згодная. Таццяна гаворыць, што спрабавала патлумачыць пракурору, што яна працуе як пазаштатны журналіст на польскую фірму «N.E.
Журналістка указвае на тое, што падпісанае ёй папярэджанне датавана 16 лютым. І задае рытарычнае пытанне: навошта яе было выклікаць на размову, калі ўсё вырашылі амаль два тыдні таму?
Таццяна Бублікава паведаміла «Белсату», што збіраецца абскардзіць у пракуратуре і прысуд, і афіцыйнае папярэджанне пракуратуры, бо фармулёўка, што яна працуе на замежнае СМІ, не адпавядае рэчаіснасці.
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
-
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
-
«Кіберпартызаны» і група Silent Crow заявілі пра ўзлом Расстата і атрыманне даных пра ваенныя страты
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары