У Мінску людзі атакавалі міліцыянтаў, якія разбілі галаву мужчыну - відэа
Той заступіўся за студэнта-безбілетніка.
Сёння ў Мінску адбылося незвычайнае здарэнне.На адным з аўтобусных прыпынкаў, размешчаных ля станцыі метро «Няміга», два міліцыянты груба затрымалі чалавека. Той заступіўся за
«Жывёла ты!» — крычала адна з жанчын міліцыянеру, які круціў рукі схопленаму чалавеку. «Адпусціце яго! Што вы творыце?» — даносіцца з тлуму на адрас праваахоўнікаў. «За васемсот рублёў чалавека б’юць», — абураліся людзі.
Затрыманаму супрацоўнікі праваахоўных органаў разбілі галаву да крыві. Відавочцы паведамляюць, што ён не супраціўляўся міліцыянтам.
«Я ўпершыню такое бачу, калі адразу столькі людзей выступаюць супраць дзеянняў міліцыі. Там сабралася вельмі шмат народу — ад 50 да 100 чалавек. Яны патрабавалі ў міліцыянераў адпусціць чалавека. Усё было на мяжы зрыву. Вельмі канфліктная сітуацыя», — распавёў у размове з карэспандэнтам «Нашай Нівы» фатограф Антон Матолька, які стаў сведкам падзей. «Усё адбылося ля аптэкі, што пад прыступкамі, што вядуць на другі паверх гандлёвага дома „На Нямізе“. Адзін з міліцыянераў закруціў рукі затрыманаму, чапляў на іх кайданкі. Другі спрабаваў стрымліваць людзей. Пасля ўмяшальніцтва большай колькасці міліцыянераў затрыманага пагрузілі ў машыну і павезлі», — дадае ён.
Партал tut.by змог узяць каментар у збітага міліцыянтамі мужчыны. Яго завуць Алег і ён прызнае, што спрабаваў вырвацца ад міліцыянтаў.
«Ну, заступіўся за хлопца. Пераконваў кантралёра, каб адпусціла безбілетніка. Аўтобус спыніўся, а сварка паміж мною і кантралёркай працягвалася. Хлопец паспеў уцячы, а мне не ўдалося.Потым разгортваліся падзеі па нарастаючай, ведаеце, як снежны ком з гары ляціць. Проста стала шкада хлопца, калі б гэта быў нейкі нягоднік… Цяпер гэта справа афармляецца афіцыйна. Непадпарадкаванне уладам», — распавёў ён журналістам.
Па версіі
Міліцыянты ўступілі ў размову з парушальнікам, які зразумеў, што не мае рацыі і пагадзіўся заплаціць штраф. У гэты час нехта з аўтобуса пачаў абурацца дзеяннямі супрацоўнікаў міліцыі. І ўступіў у сварку — пачаў іх абражаць, весці сябе непрыстойным чынам. Загуў увесь прыпынак.Нехта быў за супрацоўнікаў міліцыі, хтосьці супраць».
Рэпарцёры фіксуюць у Мінску настроі абурэння і гневу ростам цэн і дэвальвацыяй. Адзін мужчына заявіў рэпарцёрцы: «Як ён [Лукашэнка] з намі, так і мы з ім. Не будзем плаціць за праезд». Яны пераносяць абурэнне ўладамі на гарадскія і камунальныя службы, а таксама на супрацоўнікаў праваахоўных органаў, якія да эканамічных праблем ні пры чым.
Размова з твітаранкай @lubovik, якая была сведкам бойкі на Нямізе by mcdavid
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу4
Каментары