Сёння раніцай жорсткая аварыя адбылася непадалёк ад вёскі Ахотніца (Полацкі раён). На мясцовай дарозе лоб у лоб сутыкнуліся два ВАЗы - першай і шосты мадэлі. Ратавальнікі вызвалілі траіх пацярпелых, якіх заціснула ў салонах аўтамабіляў, паведамілі ў МНС.
У ВАЗ-2106 быў заціснуты мужчына, які сядзеў за рулём. А ў ВАЗ-2101 - жанчына-кіроўца і пасажырка, якая ехала на пярэднім сядзенні. Траіх пацярпелых вызвалілі з дапамогай гідраўлічнага інструмента супрацоўнікі МНС. Іх перадалі лекарам «хуткай».
У прэс-службе ДАІ Віцебскай вобласці паведамілі толькі папярэднюю інфармацыю:
«У выніку гэтага ДТЗ дзве жанчыны памерлі.Колькасць пацярпелых удакладняецца. Следчая група толькі цяпер выехала з месца здарэння».
Нам удалося звязацца з чалавекам, якім стаў відавочцам аварыі. «ВАЗ-2106 ехаў з боку вёскі Коптева ў кірунку вёскі Ахотніца. За рулём быў кіроўца, які працуе ў "хуткай", ён вяртаўся са змены. Насустрач ехаў маршрутны аўтобус.
У нейкі момант на яго абгон пайшоў ВАЗ-2101. Але жанчыне, якая кіравала «капейкай», не хапіла хуткасці і часу, каб завяршыць манеўр.У апошні момант вадзіцелі легкавых аўтамабіляў паспрабавалі ўнікнуць сутыкнення, выехалі адным колам на абочыну, але лабавое сутыкненне ўсё-такі адбылося.
Мы адразу сталі аказваць дапамогу. Аўтамабілі задыміліся, іх хутка патушылі. У ВАЗ-2101 знаходзілася чатыры чалавекі. Дзяўчыну і пажылую жанчыну, якія ехалі ззаду, удалося дастаць адразу. А вось кіроўцу і пасажырку з пярэдняга сядзення заціснула. Яны абедзве знаходзіліся ў цяжкім стане. Супрацоўнікі міліцыі, якія прыехалі на месца здарэння, сказалі, што гэта аварыйнае месца, такія ДТЗ тут здараліся і раней».
