«Калі трэба, мы будзем абараняць зямлю Смаленшчыны, Пскоўшчыны як свае».
Беларусь падзяляе заклапочанасць Расіі з нагоды размяшчэння ў Еўропе элементаў амерыканскай супрацьракетнай абароны (СРА). Аб гэтым заявіў сёння А.Лукашэнка, адказваючы на пытанні журналістаў, у час рабочай паездкі ў Івацэвіцкі раён.
«Я сапраўды заяўляў пра тое, што мы заклапочанасці і рызыкі Расійскай Федэрацыі па абараназдольнасці падзяляем, і не проста падзяляем — размяшчэнне супрацьракетных сістэм у межаў Расіі — гэта, чытай, ля межаў Беларусі.
Гэта нашы межы, перш за ўсё,— заявіў Лукашэнка. — Мы сёння знаходзімся пад абаронай ядзернага парасона Расіі. І калі наносіцца шкода інтарэсам гэтага парасона з боку якой бы то ні было групоўкі, то гэта шкода і небяспека для нас».
«Значыць, я, напэўна, правільна падзяляю гэтую заклапочанасць, бо ідзе ўзмацненне узброеных сіл НАТА каля нашых межаў», — заўважыў Лукашэнка.
Паводле яго слоў, беларусы і расіяне — гэта людзі аднаго дрэва, аднаго кораня.«Я гэта казаў і не баюся казаць. Расейцы нам не ворагі — гэта нашы браты, і мы з імі павінны заўсёды знаходзіцца ў адзінай счэпцы, каб выжыць у гэтым цяжкім свеце, — падкрэсліў Аляксандр Лукашэнка. — Дзякуй богу, што Расія да нас так ставіцца.
Так, былі розныя моманты, было ўсё, але мы сёння прыйшлі да таго, што мы патрэбныя адзін аднаму.І Расія зразумела — без Беларусі «і не туды і не сюды».
«Што тычыцца супрацьракетнай абароны — гэта наша заклапочанасць, у тым ліку таму што гэта ў нашых межаў», — яшчэ раз падкрэсліўён.
Гаворачы аб супрацоўніцтве з Расіяй у гарантаванні ваеннай бяспекі, Лукашэнка нагадаў, што на заходнім напрамку ў рамках Саюзнай дзяржавы ў дзвюх краін сфарміравана рэгіянальная групоўка войскаў, аснову якой складае беларуская армія.
«75 тыс. штыкоў тут, у Беларусі.Мы атрымліваем па ўнутрырасейскіх цэнах ўзбраенне, мадэрнізуем. Яны ідуць нам у гэтым плане насустрач. Мы выкарыстоўваем іх палігоны, які навучаецца нашых людзей у іх ваенных ВНУ па шэрагу кірункаў. То бок, у нас поўная сучлененасць і ўзаемасувязь», — адзначыў ён.
Што тычыцца пытання аб магчымасці размяшчэння ў Беларусі расейскіх ракетных комплексаў «Іскандэр», Лукашэнка пакінуў яго без каментароў.«Што датычыцца размяшчэння або не размяшчэння, можна сказаць — без каментароў. Я пакуль на гэтую тэму гаварыць не буду. Мы вядзем перамовы з Расіяй па ўсіх напрамках. Закрытых тэм для абмеркавання няма, і,
калі трэба, мы будзем абараняць зямлю Смаленшчыны, Пскоўшчыны як свае, і расіяне будуць абараняць Беларусь як сваю родную зямлю», — рэзюмаваў Аляксандр Лукашэнка.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»22
Каментары