Перад адкрыццём у ім недастаткова якасна прыбралі памяшканні.
Гіпермаркет «Еўраопт», які напярэдадні новага году адчыніўся непадалёк ад гродзенскага чыгуначнага вакзала, праз тыдзень спыніў працу, паведамляе «Твой стыль».
Па горадзе пайшлі чуткі пра пакупнікоў, якія нібыта атруціліся набытымі ў новай краме прадуктамі.
За каментаром «Твой стыль» звярнуўся да галоўнага ўрача Гродзенскага занальнага цэнтра гігіены і эпідэміялогіі Зоі Вацлаваўны Кулешы:
— Ніякіх атручванняў не было.
У гэтай новай краме перад адкрыццём недастаткова якасна была праведзена прыборка памяшкання. Таму было вынесена прадпісанне аб ліквідацыі парушэнняў.
Крама была зачынена 6 студзеня. У дадзены момант туды выехаў наш спецыяліст. Калі недахопы выпраўлены — «Еўраопт» адновіць працу.
Гіпермаркет сапраўды адчынялі ў спешцы. У апошнія гадзіны вешалі шыльду, нешта дараблялі.
Тыя, хто прыйшоў у прызначаны для адкрыцця час, убачылі на дзвярах паперку з надпісам аб тым, што адкрыццё адкладаецца па тэхнічных прычынах. Калі гандаль усё ж распачаўся, пакупнікі звярталі ўвагу на напластаванні будаўнічага пылу на падлозе.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны9
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары