Столькі трэба сабраць, каб выкупіць кнігу Казіміра Семяновіча «Вялікае мастацтва артылерыі».
Да сканчэння тэрміну выкупу ўнікальнай кнігі «Вялікае мастацтва артылерыі» Казіміра Семяновіча засталося дзесяць дзён, аднак сабраць 15 тысяч еўра аказалася цяжкай задачай.
«Мы імкнёмся дамовіцца з прадаўцом, каб ён падоўжыў тэрмін. — расказвае Андрэй Радкоў, ініцыятар збору сродкаў. — Аднак дакладна вядома, што ён мае іншыя прапановы".
Збіраць сродкі пачалі ў чэрвені. Пяць мільёнаў рублёў на кнігу ахвяравала фірма «Трайпл»,амаль усё астатняе сабралі добраахвотнікі. Бізнэсоўца і мецэнат Павел Бераговіч ахвяраваў на кнігу дзве тысячы даляраў.
«У інтэрнэце мы рэгулярна сустракаем меркаванне, маўляў, колькі можна жабраваць, — расказвае спадар Радкоў. — Аднак гэта нармальная сусветная практыка: Лонданская бібліятэка, напрыклад, не цураецца звяртацца па дапамогу да грамадства. Скажу нават болей, калі атрымаецца выкупіць «Вялікае мастацтва артылерыі», то гэта будзе адна з апошніх нашых акцый. Усё ж такі лёс выданняў славутай магілёўскай брацкай друкарні мне таксама не дае спакою, бо да таго, як мы выкупілі сіламі грамадскасці «Часоўнік» і яшчэ тры кніжкі, у музеях горада было толькі пару магілёўскіх выданняў. Як так выйшла, што горад з такой гісторыяй застаўся без культурных здабыткаў — незразумела".
Даецца такі збор сродкаў насамрэч цяжка — гэтым разам Андрэю Радкову давялося ахвяраваць уласнай працай.
Магілёўскі музей таксама не губляе надзеі выкупіць рэдкае выданне — у канцы чэрвеня дырэкцыя арганізавала дабрачынны суботнік, цяпер ідзе падрыхтоўка дабрачыннага канцэрта ў падтрымку збору сродкаў.
«Мы лічым, што кнігі — гэта найвышэйшы культурны здабытак нацыі. — кажа Радкоў. — Тым больш,
мы ўжо не здольныя выкупіць кароны ці троны князёў, альбо творы сусветна вядомых мастакоў, што ўпрыгожвалі беларускія палацы і замкі - большасць з іх знаходзіцца ў музеях і зборах суседніх краін. Але сёння ў нас ёсць такі шанец — выратаваць хоць кроплю нашых культурных каштоўнасцяў".
Грошы на набыццё кнігі можна пералічваць на адрас або на рахунак «Музея гісторыі Магілёва»:
УК «Музей гісторыі Магілёва»
212030 г. Магілёў, вул. Ленінская, 1, А, тэл.
УНП 790203960
Філіял 700 МАУ ААТ «АСБ Беларусбанк» МФА 153801536
г. Магілёў, вул. Першамайская, 71
Дырэктар Бацюкоў Аляксей Мікалаевіч
У пазначэнні плацяжа указваць «На развіццё музейнай справы і ахову
Таксама можна перавесці грошы праз інтэрнэт — праз серверы WebMoney і EasyPay
Нумары рахункаў
WebMoney
У далярах ЗША: Z116082323771
У еўра: E383254056071
У расійскіх рублях: R360165731291
У беларускіх рублях: B397362066338
EasyPay
У беларускіх рублях: № 32752117
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары