Пазняк: «Любыя санкцыі супраць рэжыму Лукашэнкі служаць на карысць Расіі»
Палітык правёў
Зянон Пазняк правёў
«Любыя санкцыі Захаду супраць рэжыму Лукашэнкі пры адкрытай мяжы з Расеяй — неэфэктыўныя і служаць на карысьць Расеі.Выглядае, што Эўропа схільная цяпер да эканамічнага супрацоўніцтва з рэжымам у сфэры бізнэсу. Санкцыі да памагатых — гэта значыць забарона ім уезду ў Эўразьвяз — я ўхваляю, але карысьці змагарам яны не прыносяць, бо ім самім, гэтым змагарам, праблемна зь візамі. Лепш бы зьнялі праблемы тут». Такі адказ Зянон Пазняк даў на пытанне, ці падтрымлівае ён пашырэньне і ўзмацненьне палітычных і эканамічных санкцый да рэжыму Аляксандра Лукашенкі і яго памагатых.
Цікавы і адказ пра тое, якая ўлада павінна быць пасля сыходу Лукашэнкі. Ці патрэбная нацыянальная дыктатура? «Неабходнасьці тут ніякай няма, але трэба ўлічыць абставіны. Мяркую, што цяпер сытуацыя зьмянілася, і
пасьля ліквідацыі антыбеларускага рэжыму павінна застацца мінімум на гадоў 5–8 моцная выканаўчая ўлада. На пэрыяд прыватызацыі, рэформаў і навядзеньня дэмакратычнага парадку. Інакш, краіну могуць расьцягнуць.Парлямэнцкую рэспубліку адразу пасьля Лукашэнкі пры нізкім палітычным узроўні эліты, пры адсутнасьці палітычнага клясу, закаранелых карупцыйных схемах і зьбяднелым насельніцтве ўводзіць небясьпечна. Вяртаньне да Канстытуцыі 1994 году тут самы прыймальны варыянт. Потым парлямэнцкая рэспубліка, магчыма — па польскай схеме», — мяркуе Пазняк.
-
Каверын: У мяне расце дачка, і я хацеў бы, каб яна жыла, хутчэй, у тым свеце, які ўяўляюць сабе ідэальным феміністкі
-
Паўлючэнка пра вяртанне Пачобута: «Пункт біфуркацыі, пасля якога шмат зменіцца»
-
Фядута пра помнік Паскевічу ў Гомелі: Чыгуннай нагой стане на мяжы з Украінай, дэманструючы, што ўжо беларускую зямлю Пецярбург не аддасць
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе4
Каментары