Літва далучылася да санкцый Эўрасаюзу супраць беларускіх чыноўнікаў.
Літва далучылася да санкцый Эўрасаюзу супраць беларускіх чыноўнікаў. Урад Літвы зацьвердзіў сьпіс асоб, якім забаронены ўезд на тэрыторыю краіны. Аляксандар Лукашэнка аб’яўлены пэрсонай нон-грата.
У літоўскім МЗСе падкрэсьліваюць, што гэтае рашэньне пацьвярджае санкцыі Эўразьвязу, а Літва як сябра ЭЗ толькі далучаецца да іх.
Апроч Лукашэнкі, у «чорны сьпіс» унесеныя міністры сілавых ведамстваў, генпракурор, кіраўнік КДБ Беларусі, некаторыя чальцы парлямэнту.
У сьпісе таксама пазначаныя кіраўнікі Прыднястроўя, шэраг асоб з Судану, Узбэкістану, Лібэрыі, Зымбабвэ, Конга, былой Югаславіі.
Тым часам «невыязная» намесьніца кіраўніка Адміністрацыі прэзыдэнта Натальля Пяткевіч знаходзіцца ў Швайцарыі. У Жэневе яна бярэ ўдзел у 96-й сэсіі Міжнароднай канфэрэнцыі працы. Разам зь Пяткевіч ў швайцарскай сталіцы знаходзяцца віцэ-прэм’ер Андрэй Кабякоў (кіраўнік беларускай дэлегацыі), намесьнік міністра працы Алена Колас і намеснік начальніка фінансавага ўпраўленьня Савету міністраў Аляксандар Румак. Беларуская ўрадавая дэлегацыя прабудзе ў Жэневе да 10 чэрвеня.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца11
Каментары