А таксама Гарадзенскую тытунёвую фабрыку і шэраг драбнейшых прадпрыемстваў
Дзяржаўны камітэт па маёмасьці плянуе цягам 2007 г. акцыянаваць 7 прадпрыемстваў. Тры зь іх уяўляюць для айчыннай эканомікі важнае значэньне, паведамляе газэта «Белорусы и рынок». Гэта Беларускі цэмэнтавы завод, Крычаўскі цэмэнтна‑шыфэрны завод і Гарадзенская тытунёвая фабрыка. Пералік прадпрыемстваў, што маюць прыватызаваць у бягучым годзе, замацаваны пастановай Дзяржкамітэту па маёмасьці №30 ад 28 траўня 2007 г. У мінулым годзе зь дзевяці заплянаваных да продажу, зьмяніл статус толькі чатыры прадпрыемствы.
Міністар архітэктуры і будаўніцтва Аляксандар Селязьнёў паведаміў, што Беларускі цэмэнтавы завод будзе прыватызаваны ў бліжэйшы час. На першым этапе дзярждоля ў акцыянэрным капітале прадпрыемства будзе складаць 100%. Стандартная працэдура акцыянаваньня займае каля паўгоду, аднак на патрабаваньне ўраду працэс можа завершыцца ў больш кароткія тэрміны. Беларускімі цэмэнтнымі заводамі цікавяцца інвэстары з Ірану Кіпру, Аўстрыі ды Эгіпту.
Гарадзенская тытунёвая фабрыка ўнесеная ў сьпіс прадпрыемстваў, рэфармаваць якое плянуецца да канца году. Аднак незалежныя экспэрты ў гэтым пытаньні больш асьцярожныя.
Цяпер чытаюць
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала4
Каментары