Hramadstva

Biełarus raskazaŭ, jak pravoziŭ kata samalotam ź pierasadkami

Kot pa imieni Piersik lacieŭ ź Minska ŭ Ałbaniju ź pierasadkaj u Stambule. Jahony haspadar, minčuk Jaŭhien Pisaraŭ, u detalach pamiataje, dzie pryjšłosia pastajać u čarhach, pabiehać i paŭhavorvać rabotnikaŭ, piša «Minskaja praŭda». Tolki la stojki ŭ aeroporcie ź pieranoskaj u rukach pačynaješ razumieć, što času zastajecca ŭsio mienš, a ruk uvohule nie chapaje.

Fota Jaŭhiena Pisarava

Kot byŭ zamacavany za žonkaj

Bolš za ŭsio času ŭ minskim aeraporcie ŭ siamji pajšło nie na čarhu da stojki i nie na nadhlad, a na vieterynarny kantrol, apłatu siertyfikata i jaho afarmleńnie. Stali jany tam kudy daŭžej, čym raźličvali.

«Jechali my ŭdvoch z žonkaj Darjaj, — raskazvaje Jaŭhien. — Kot byŭ zamacavany pa kvitku za žonkaj. U žyvioły, akazvajecca, jość nie tolki haspadar, jaki niasie pieranosku i adkazvaje za ŭsio na śviecie, ale i kankretny čałaviek, na čyj kvitok jana aformlena, i z hetaha momantu siamja pieratvarajecca ŭ maleńkuju delehacyju, dzie ŭ kožnaha svaja rola i svaja zona adkaznaści».

Na nadhladzie nie chapaje ruk

«Pry kantroli Piersik bajaŭsia vyleźci ź pieranoski, vielmi chvalavaŭsia, choć jamu davali zahadzia zaspakajalnaje, — kaža surazmoŭca. — Supracoŭniki ničoha takoha nie kazali i nie zrabili».

Pieranoska ŭ nieznajomym miescy zastajecca dla kata adzinym pradmietam, jaki pachnie domam, i trymacca za jaje jon budzie da apošniaha, tamu što ŭsio astatniaje vakoł čužoje, hułkaje i zanadta vialikaje.

Sama pracedura raźličanaja na čałavieka ź dźviuma svabodnymi rukami, a ŭ taho, chto viazie žyviolinu, svabodnych ruk niama zusim, i voś tut pačynajecca toje, pra što ŭ instrukcyjach zvyčajna nie pišuć.

«Jašče momant, što paralelna treba źniać šmat rečaŭ ź siabie, źniać čaraviki, dastać noŭtbuki z sumki i ŭsio kantralavać», — pieraličvaje Jaŭhien.

Stužka jedzie, łatki źjazdžajuć adzin za adnym, zzadu stajać ludzi, jakim taksama treba paśpieć, i ŭsio heta adbyvajecca adnačasova sa sprobaj dastać ź pieranoski kata, jaki nie choča adtul vychodzić.

Pierasadka ŭ Stambule

Karmić kata ŭ palocie nielha, moža zahojdvać, tamu ježu ŭ darozie nie prapanoŭvali zusim. Vadu Piersik pić nie zachacieŭ, a da pierasadki ŭ Stambule prajšło vosiem hadzin paśla pieršaj tabletki zaspakajalnaha, i jamu dali druhuju.

«Času mała i ŭsio biahom, z usimi rečami, a ich chapała, i ź Piersikam, i terminał byŭ u samym kancy, paśpieli ŭprytyk da pačatku rehistracyi, — uspaminaje Jaŭhien. — Prachod byŭ taki ž, jak i ŭ Biełarusi, u mituśni, tolki jašče zdymajecca abutak, i ŭsio daŭžej».

Na pytańnie, ci nie pazajzdrościŭ jon u tuju chvilinu ludziam z adnym zaplečnikam i svabodnymi rukami, haspadar kata adkazvaje koratka.

«Momantu takoha nie było, dumali tolki, kab narmalna ŭsio prajšło i jon pieranios palot».

Ściuardesy ź im razmaŭlali

«Pasažyry łajalna ŭsie pastavilisia, zaŭvah nie było, choć jon miaŭkaŭ pieršuju pałovu darohi, — kaža Jaŭhien. — Naadvarot, ściuardesy ź im sprabavali razmaŭlać i ŭśmichalisia».

Ludzi, jakija laciać z žyviolinaj, bolš za ŭsio bajacca mienavita susiedziaŭ pa sałonie, a Jaŭhienu ŭ hetym pytańni pašancavała.

Sumka, jakaja nie spatrebiłasia

Darožnuju sumku dla Piersika sabrali pa ŭsich praviłach, a ŭ joj lažali misačka, dadatkovaja pialuška, špryc dla vady, krychu kormu i pakiety dla pialuški. Ale voś u darozie nie spatrebiłasia ničoha z hetaha śpisu.

«Z-za stresu nidzie nie pajšoŭ u tualet: ni ŭ pieranoscy, ni ŭ aeraporcie, — raskazvaje Jaŭhien. — Tolki paśla pryjezdu na kvateru, i toje nie adrazu, bo byŭ na stresie».

«Pakarmili žmieńkaj kormu ŭžo pa prylocie, jon z zadavalnieńniem źjeŭ usio», — kaža haspadar Piersika.

Što jon paraiŭ by sabie ŭ minskim aeraporcie

Kali b možna było adpravić adno karotkaje paviedamleńnie sabie, jaki staić u zale vyletu ź pieranoskaj u rukach, Jaŭhien napisaŭ by voś što.

«Rehistravać žyviolinu zahadzia i pryjechać raniej u aeraport z zapasam času».

Parada hetaja padychodzić i dla sabak, tamu što papiery i čerhi ad vidu žyvioły nie zaležać, a voś zapas času zaležyć tolki ad nas samich.

Kamientary

Vid na Kałožskuju carkvu bieznadziejna sapsavany41

Vid na Kałožskuju carkvu bieznadziejna sapsavany

Usie naviny →
Usie naviny

Pamierła Hanna Sadoŭskaja — dziajačka polskaj supolnaści ŭ Vaŭkavysku1

«Lik idzie na chviliny, a svajaki pavinny biehać pa vulicy i šukać mužčyn». Ci pavinna chutkaja dapamoha vynosić pacyjenta z kvatery?13

«Pad kanvojem vyvieźli nas ź miažy». Rasijskaja błohierka raskazała pra zatrymańnie muža na biełaruskaj miažy praz padpisku5

Pamior 87‑hadovy turecki miljarder, ułaśnik minskaj Crowne Plaza. Ale hrošaj nie pakinuŭ ni žoncy-biełaruscy, ni čatyrom dzieciam62

Stvaralnica Belaruskicry upieršyniu paśla doŭhaj paŭzy raskazała, što ciapier z brendam paśla pryznańnia jaho ekstremisckim1

Ź ciahnika zblizku źniali na videa razburanuju častku Krymskaha mosta8

U centry Minska na moście 21‑hadovy pierakuliŭsia na BMW. Momant trapiŭ na videa2

Pravakacyja ź vialikaj kolkaściu achviar i abvinavačvańniem Ukrainy. Stała viadoma, jakuju pravakacyju rychtavali na polska-rasijskaj miažy7

Amierykanka pabiła rekord biełaruski pa kručeńni ŭ pavietry na ŭłasnych vałasach

bolš čytanych navin
bolš łajkanych navin

Vid na Kałožskuju carkvu bieznadziejna sapsavany41

Vid na Kałožskuju carkvu bieznadziejna sapsavany

Hałoŭnaje
Usie naviny →

Zaŭvaha:

 

 

 

 

Zakryć Paviedamić